2030 Qlhangan Kdhanun Kari

Seyhu Taywang u dmudul "2030 Qlhangan Kdhanun Kari"（kari Tlu：2030雙語政策） beytaq saya, kari Tlu mi kari Dame ka kdhaun pkrana, binaw muda psluhay biyax psdkanun qqlhangan pa, uxay wana nanaq dmudu smluhay kari Dame. Diyax 8 cida Kari Taiwan Sweyhwey u, mnuda "Msciyuk 2030 Qlhangan Kdhanun Kari" cicehwey, pnbaraw kari iya stpiqi qmita ka Taywang; niqan mndungus bay knou kluwan Kari Nantaw Yusi, kari Tlu mi kari Plmukan mi kari Khilang mi pnbawa Taywang pskari uri, kana niyi pa mbtunux bay cucan kari Taywang kana.

Pskray kari ka sweyce, uxay sa uxay balay smluhay kari Dame, kiya u kasi ka muda lmngelung kari qlhangan ka seyhu, hmuya mnchaya mniq Taywang mi pnkana qqlhangan babaw dxral na cuweyn, muda pkrana nanaq tukubeycu kari, ndanan, bungka, bntasan knkla msusa, pnsltudan tnlbuwan mi pnltudan na biyax smnelanan Taywang nanaq, psluhay tuhuy pnsung qqlhangan babaw dxral na bbiyax, kiya uri u muda ptkla quri uuda kari u knpruwan balay, ini pndkani qmita ka cuweyn pa, musa smliq balay lmutuc kari qlhangan.

Patis pnyahan

• 族語E樂園：族語新聞閲讀
• 2030雙語政策 - 中文維基