Abdullah II of Jordan

Abdullah II bin AI Hussein(阿卜杜拉二世)

Abdullah II bin Al Hussein (Kari Arabia: الملك عبد الله الثاني بن الحسين‎, ʿAbdullāh aṯ-ṯānī ibn Al-Ḥusayn; Abdullah II bin Al Hussein, kngkawas 1962 idas 1 diyax 30－) bukung qnlhangan Jordan, kiya ka brah bukung Jordan wada mnrdang HusseinI laqi niya qbsuran snaw, bubu niya ka sediq Ingkoku Muna qridin bukung, so kiya niqan dara England. Abdullah II bin Al Hussein u mniq kngkawas 1999 idas 1 wada phyuwan bukung Hussein sediq mpririh hnyuwan bukung ka hiya (mpririh bukung), idas 2 diyax 7 ka wada psdhuwan phiyu bukung qnlhangan.

Abdullah II bin Al Hussein u mnuyas Amman Pyasan Sweyweyn Islam, Pyasan Swyweyn Ingkoku Sandhurst Hwangcya Cyuns, Pyasan Tubeyhing Oxford, Pyasan Heytay Tumksa, Dmudul Canmo Sweyweyn mi Pyasan Saweyweyn Amirika Edmond A Hwasyu Ways, smluhay cyuns mi kwoci seyj Kngkawas 1994 cida ngalan Tukubeycu Kluwanan Butay Sring, wada phyuwan cwencyang, kngkawas 1997 ngalan Jordan Tukubeycu Singtong Butay Sring mi Tukubeycu Kluwanan Butay Sring, kngkawas 1998 idas 5 cida wada phyuwan Sawcyang.

Bukung qridin Abdullah II bin Al Hussein u Rania Yassin. Niqan 4 laqi dha ka dhiya:Hussein Wangc, Iman kongcu Sarma kongcu mi Hasimu Wangc.

Kndusan cuxan（早年生活）

Abdullah II bin Al Hussein ka laqi qbsuran Hussein Bukung qnlhangan tuhuy tu2 qridin na sediq Ingkoku Muna tmnlaqi. Alaw Hussein Bukung qnlhangan brah u wana 1 laqi qridin pspuwan dha qridin na brah tmnlaqi, kiya u kasi ka Abdullah II bin Al Hussein ka wada nanaq mplutuc rmirih ngalan mbukung. Binaw alaw ini kdhu ka cyus, Hussein Bukung qnlhangan mniq kngkkawas 60 cida u muda phiyu taxa swayi niya Hasang Wangc ka ngalan mpbukung dungan.

Abdullah II bin Al Hussein brah niya han pa mnusa muyas Ingkoku St Edmund's School han, bukuy daw musa muyas smluhay Amirika Eaglebrook School mi Deerfield Academy dungan. Mnhdu muyas pyasan tukcka daw, Abdullah II bin Al Hussein u mniq kngkawas 1980 cida musa Ingkoku Pyasan Swyweyn Sandhurst Hwangcya Cyuns smluhay, hiti dungan u musa Ingkoku Pyasan Tubeyhing Oxford na Pembroke Sweyweyn mnhdu 1 knkawas quri snlhayan Congtong; mniq kngkawas 1987 dungan u musa niqan bay hnhangan Amirika Pyasan Saweyweyn Edmond A Walsh Hwasyu Waycyaw Huwu muyas. Mnhdu muyas daw, Abdullah II bin Al Hussein mniq kngkawa 1993 wada ngalan Jordan Tukubeycu Kluwanan Butay (Jordan's Special Forces) mpdudul; kiya u mniq kngkawas 1998 idas 5 ngalan heytay Sawcyang.

Kngkawas 1999 idas 1 diyax 25, mchdil bay narux niya ka Hussein Bukung qnlhangan u mniq qlapaw tnqiyan na tmiyu Abdullah II bin Al Hussein ka lutuc mBukung.

Msturung mi tnsapah（婚姻與家庭）

Sdhmaun 興趣 Kngkawas 1993 idas 1, cida u ida Wangc ka Abdullah II bin Al Hussein nina mniq swayi na qridin Ayisa kongcu ka pnsliyan smsung kman cida mqqita mnniq Jordan qmpah ka wouwa llutuc Palestine Rania Yassin. Spuda qridin Bukung babaw niya ka muda smnrnu, ddha cida ka ‘Wada Kasi Pskuxul’ Babaw 2 idas balay daw, wada pusa kari ka dhiya muda teykong da, kiya ka dhiya muda teykong da, kiya mi mniq kngkawas 1993 idas 6 diyax 10 muda sndhu knbeyhing bay pnsdhuwan msturung. Ddha dha pa niqan 4 laqi:

• Hussein Wangc mpBukung (Kngkawas 1994 idas 6 diyax 28 mntuting).
• Iman kongcu (Kngkawas 1996 idas 9 diyax 27 mntuting).
• Sarma kongcu (Kngkawas 2000 idas 9 diyax 26 mntuting)
• Hasimu Wangc (Kngkawas 2005 idas 1 diyax 30 mntuting)

Sdhmaun（興趣）

Abdullah II bin Al Hussein pa ou balay kuxul niya sdhmaunmray so storing rakasang, rari pnsung mriq rulu, rmbuq qsiya, mtur boru mi khwan syawswo uri Abdullah II bin Al Hussein ka hwens snkuxul bay qmita khwan siryey Singci Mihang, ida wangcu cida ka hiya mniq “Singci Cihangci: Tbrinah Miyah Ticyo” eyga treybi nngalan tanci na uka rmngaw kari niya rinji mpeyga uri.

Pkrdax hangan（榮譽）

• Jordan Snadu Syuncang Husayn ibn Ali (Taso) (Grand Master of the Order of Al-Hussein bin Ali

Pkrdax hangan icil（其他榮譽）

• Czechia Snadu Itng Syuncang Bhuway Rayung (Order of the White Lion, First Class)

Pnyahan pnatas(參考資料)

Tnhjil kari seejiq Watan Diro(瓦旦 吉洛) mtabug.