Alang Pulan

Alang Pulan gaga iyax alang Plngawan ni alang Bunun , kmlawa hini siida ka Tanah Tunux o Inago ksun dha. Kwomin cenfu sayang do alang Hharung ksun dha. Manu ka ita nanaq Seejiq ga alang Pulan ksun. Klwaan Tanah Tunux sexual, tgsaan na hmuma kingal nanaq sknxan na payay dhquy ka seejiq dealang, yasa putuh bi hndagan na hidaw jiyan, tbiyax bi mdakil jiyan. Rmiyax ka hidaw do asi kltu ka bgihur, manu ka hngak payay o ini iyah nganguc da, kiya ni tgutu nanaq hiyi na ka knmalu hngak na, kiya ni ksun dha “Tbula Inago”ka dhquy payay nii. Alang hini snegaaw Seejiq Truku kana, kla saw dTayal Plngawan ni dBunun ga smdupan dha kjiyax gmaliq(mpeangal tunux). Kiya ni iyux bi pghak biyax Seejiq ni pkmalu dTayal ni dBunun, kiya ka thjilan dhuq hini ka Seejiq Truku.