Alexander Van der Bellen

Alexander Van Der Bellen (亞歷山大·范德貝倫)

Alexander Van Der Bellen (Kari Doicu: Alexander Van der Bellen, pnhnang kari Doicu: [ˌalɛˈksandɐ fan dɛɐ̯ ˈbɛlən]; kngkawas 1944 idas 1 diyax 18-) hiya u taxa Austria seyji jnwu mi keyjay sweycya, soto Austria saya.

Slxan pkla (簡介)

Kndadax Estonia kana ka tama bubu niya, kiya ka sediq mqraqil qnduriq mnniq Stalin cuyi snpeyyah Suryeyn. Mntuting snpeyyah Russia Soviet Ryeynpang Syakay Cuyi Konghkwo, tama niya u niqan dara sediq Ucilung Baltic Doicu, sediq Netherlands mi sediq Estonia.

Alexander Van Der Bellen u taxa mnalix mptusa pyasan tubeyhing, ini sangay tmsa cida han pa mnniq mptusa Pyasan Vienna Tubeyhing cyawso keyjayswey.

Hiya u mnMsama Tang, mniq kngkawas 1994 dhuq kngkawas 2012 mnuda Kokomin Gikay giying, mncusi Msama Tang Gikay kaygi, mniq kngkawas 1997 dhuq kngkawas 2008 qmpah Msama Tang ryeynpang mprngaw kari.

Mniq kngkawas 2016 seyngkyo soto Austria u murux hniwan niya miyah seyngkyo, kiya mi Msama Tang ka dmkuh hiya. Mniq soto seyngkyo tu2 meytaq hyo, sntama hyo pnoda patas dnurun sntikuh bay hyo ka wada mbiyax mangal, mangal 50.3% mbiyax mi ini niya baka ka hosweyjn Austria Mtrawah Tang Norbert Gerwald Hofer, binaw mnhdu kana seyngkyo pa, alaw hyo seyngkyo pnadas dnurun ka hidoyi balay mqbling, hiti daw wada spoxan hoying keyngpo.

Alexander Van Der Bellen u dmkuh hwanpaw mi syakay mtrawah cuyi cngco, kiya mi dmkuh O Co Ryeynmong.

Mniq kngkawas 2016 idas 12 diyax 4 kcka snburah seyngkyo dungan ka Soto Austria, Alexander Van Der Bellen u mniq kcka tumn1 meytaq hyo u wada mangal 51.7% hyo mi wada niya ini baka ka hosweynjn Mtrawah Tang Norbert Gerwald Hofer (wada mangal hyo 48.3%), wada mbiyax mangal Soto Austria Ryeynpang.

Alaw Ibiza Jikeyng mi Jnmin Tang tuhuy Mtrawah Tang ccng ryeynmong ka mhdu, kngkawas 2019 idas 5 diyax 27 cida, Kuttz seyhu u wada spuda Kokomin Gikay puda ini sruwa snhiyi tonggi malax qpahun, kiya mwaya balay ndanan rikisi Austria. Alaw msdalih knbeyhing seyngkyo miyah 3 idas sngari, Alexander Van Der Bellen u mndungus balay plixan niya ka Sebastian Kurz daw, spuda niya biyax rngiyan, psdhu phiyu Uaka Tangpay na ka ida mnhoying keyngpo sosi hwakwan Brigitte Bierlein ka ngalan congri. Niyi uri ka mwaya balay niqan soto muda mndungus balay biya, muda nanaq psdhu phiyu burah congri.

Kngkawas 2020 idas 5 diyax 24, Alexander Van Der Bellen soto pa alaw wada smliq pnwaya hmtur runan narux brah Uhan , cka rabi ida wa mniq sanan mkan uqun msupu mkan cida u wada kasi qrapi keysacu qnlhangan dha.