Almazbek Atambayev

Kndusan (生平)

Almazbek Sharshenovich Atambayev u kngkawas 1956 idas 9 diyax 17 mntuting Kyrgyz Cuh Co nniqan Alamekin Alashan Cwen, kngkawas 1980 mnhdu muyas Sweyweyn Moscow Keyjay Sweysi. Kngkawas 1983, Almazbek Sharshenovich Atambayev u wada ngalan Kyrgyaz Konghkwo Tubaraw Balay Soviet Cusi Twan Komung mi Misu. Kngkawas 1993 phiyu Kyargyazstan Syakay Mincu Tang kiya mi ngalan bukung tang dha, 1995 idas kngkawas 2 wada mangal Gikay Turuma Giying giying.

Kngkawas 2000 idas 10, Almazbek Sharshenovich Atambayev u tumal Kyrgyazstan Soto seyngkyo, binaw hiti balay daw 6% kntikuh bay ka hyo na mi wada ini baka. Kngkawas 2005 idas 9, wada psdhun qpahun Kongyey, Mawyi mi Mpriwawpu Bucyo burah Soto Kurmanpek Paciyev ka hiya. Kngkawas 2006 idas 4, hiya u msang Soto cida Kurmanpyeyk Paciyev ka mqbling mi hmtur pkmalu knpriyux seyji, kiya seyji, kiya malix qpahun niya ka Almazbek Sharshenovich Atambayev. Babaw niya daw,

Almazbek Sharshenovich Atambayev tuhuy wada malix Gicyo u Kyrgyazstan Czechbayev msuou ppssli phiyu ‘Dmkuh Knpriyux’ hantay pay ryeynmong. Kngkawas 2007 idas 3 diyax 29, spuda Soto cida o Kurmanpek Paciyev ka pusa hangan, Almazbek Sharshenovich Atambayev ka rmirih Acimu Isabekv, psdhuwan phiyu Congri Kyrgyaz seyhu, kiya ka wada mtu1 qnlhangan Tukcka Asia Hantay Tang Congri. Kngkawas 2007 idas 5 diyax 11, Almazbek Sharshenovich Atambayev u wada dha pqdalun iyu doku, musa Turkey 1 byoying mqita rarux. Kngkawas 2007 idas 10 diyax 24, neyke Almazbek Sharshenovich Atambayev u pkla kari malix qpahun knkana, 1 idas daw wada malix qpahun Congri uri, wada srwanan Soto Kurmanpyeyk Paciyev.

Kngkawas 2008 idas 12 dndulan Almazbek Sharshenovich Atambayev ka Syakay Mincu Tang uri ka 7 Hantay Tangpay mi 12 Hantaypay pssli phiyu ‘Ryeynho Jnmin Undo’, dmudul Soto o Kurmanpyeyk Paciyev knllu knama malix qpahun Soto. Kngkawas 2009 idas 4, Almazbek Sharshenovich Atambayev u wada skulan ‘Ryeynho Jnmin Undo’ murux balay Hantay Pay hosweynjn, tumal mndungus kngkawas idas 7 muda seyngkyo Soto. Babaw seyngkyo daw, Congyang Seyngkyo Yingkay u muda pkla kari Kurmanpyeyk Paciyev ka wada mbiyax mangal seyngkyo Soto, wad lmutuc qpahun Soto dungan Almazbek Sharshenovich Atambayev pa ini sruwa ndanan smpu hyo, rmngaw ka hiya ini wada smliq waya seyngkyo ka ndan niyi. Kngkawas 2010 idas 4 diyax 7, Kyrgyazstan u muda knbeyhing bay uuda mrudu, wada spoxan ka seyhu Kurmanpyeyk Paciyev, wada qduriq dhuq tuhunac alang mkbrnux Osh ka hiya uri, Hantay Paya u wada mssli phiyu Rinji seyhu Almazbek Sharshenovich Atambayev ka psdhuwan phiyu tu1 Huku Congri. Mntna kngkawas idas 10, Kyrgyazstan u muda Gikay seyngkyo, muda phiyu ccng ryeynmong. Idas 12, Gikay u muda psdhu phiyu Almazbek Sharshenovich Atambayev ngalan Congri seyhu. Kngkawas 2010 idas 12 diyax 17, mntxan mangal Congri seyhu Kyrgyazstan. Kngkawas 2011 idas 10 diyax 30, Almazbek Sharshenovich Atambayev u mniq kcka seyngkyo Soto u wada mangal 63% hyo mbiyax, kiya mi mniq mntna kngkawas idas 12 diyax 1 psdhuwan phiyu mangal qpahun, dhuq kngkawas 2017 idas 11 diyax 24 ka diyax iyax qpahun niya.

Kngkawas 2019 idas 8 diyax 7 ubiyan, Solongpay Joenbekv tangcyu u smkaul Tukubeycu Butay smatang mpqraq wada tyuwan ‘Wada Mqnaqah, Umluk Biyax mi Smliq WayaKnpriyux Dxral’ ka Almazbek Sharshenovich Atambayev, wada htranan mpdkuh hiya, iyax niyi pa taxa Tukubeycu Butay u wada buwan puniq mrdang. Idas 8 diyax 8 seyhu cida u mntxal muda mpqraq dungan, wada smruwan ini balka ka Almazbek Sharshenovich Atambayev. Kngkawas 2020 idas 6 diyax 23, Bishkek Su 51 Cyu Hoying muda pswau Almazbek Sharshenovich Atambayev 11 knkawas 2 idas niqan snpngan diyax pncahu, kiya mi ngalun kana ka jaysang mi tbrnahun kana kasnadu qnlhangan. Kngkawas 2020 Kyrgyazstan u muda suwey iyax cida ka kngkawas 2020 idas 10 diyax 6, wada plaxan dkangyi niya ka Almazbek Sharshenovich Atambayev. Mntna kngkawas idas 10 diyax 10, wada qrapun Kyrgyazstan anjeyng pumn dungan ka Almazbek Sharshenovich Atambayev.

Tnsapah (家庭)

Almazbek Sharshenovich Atambayev pa mnuda mn2 msturung, msupu tu1 qridin u niqan dha laqi snaw mi laqi qridin, tuhuy tu2 qridin niya huku hakasey niqan 1 laqi snaw mi 1 laqi qridin. Kcka niya tiping laqi niya qridin Aliya Shagieva ka taxa seykeys, hiya u mnuda cwopincan, kiya mi knkana mnangal niya hbangan qnpahan u subway niya mqraqil syakay kana, kngkawas 2016 u 19 knkawas niya cida daw wada tuhuy dangi niya msturung.

Pnyahan pnatas (參考資料)

Tnhjil kari seejiq Watan Diro(瓦旦 吉洛) mtabug