Bahamas (巴哈馬)

File:Coat of arms of the Bahamas.svg-Kwohwey(國徽)

Ris（歷史）

Ga mniq Bahamacungdaw tnpusu seejiq o Rukeyangingtianren. 12 jiyax 10 idas 1492 hngkawasan seejiq Gerunpu o musa mrmux ruwan Bahamacungdaw pqita hyaan. Kari qnbhangan o Gerunpu mrmux dxgan Sensaerwatodaw siiga. Seejiq Sipangya o ungac bi kuxul na ka seejiq ruwan sa,kika ka kiya ni qnpah dha nuli(奴隸) kana da, kika thuway ungac ka seejiq da.

1648 hngkwasan siida kndadax Paymudacungdaw seejiq tnIingkwo miyah Bahamacungdaw, kiya ka kiya ni ungac dha asi mniq hini ka lnglungan dha, kika hini o ini biyaw maa nniqan dha Haydaw(海盜) da, ni Seejiq Sibangya o miyah mrmux kdjiyax uri, kika bukuy do ini knmalu ka hini da.

Emburux ka Alimika hici do, qduriq kndadax Iingkwo miyax Alimika Paymudacungdaw sejiqun siida, kika mdudul kana skmalu Paymudacungdaw do, thuway pnhiyug nniqan pnhmaan tapung. Djiyan Alimika hunac daya siiga kika pusu bi mkuy ka asug dha. Dhuq bukuy tgdha djiyan do, skmalu kana ka hnbangan dha da.

1964 hngkwasan Bahamacungdaw nglun Cccyuan(自治權) dha.

1973 hngkwasan kika balay bi emburux pnhiyug Bahama klwaan da.

Tiri（地理）

Mniq Tasiyang(大西洋) gqiyan hidaw ga baraw Rukayacyungdaw, kana klwaan dha o niqan 700 ciway dxgan (小島)

File:LocationBahamas.svg-Ida nkiya nniqan lnglingay(自然地理位置)

ni Sanhuciyaw(珊瑚礁). Mniq saw Arimika Forolita-cyawdawcung hraan hidaw hiya, Kuba ni Ispaniawradaw（daya kika Hayti ni Dwominicya）, Tekes ni Kaikescungdaw hraan hidaw daya, gaga mniq ssiyaw Paymutasanciyaw(百慕達三角) kana.

Singcng-cyuhwa (行政區劃)

Kana geayus kmlawa Bahama o niqan 31, mdudul dha o mniq Singpuro-tensdaw (新普羅維登斯島).

Cngc(政治)

Bahama nii o kika Cyungcu-risiyeyn ka klwaan dhiya nii. Mdudul klwaan o Bahamacyungcu (kika Ingkwocyungcu dha. ) Pusu bi mdudul dha o kika Bahama-cungridaceng kiya.

Sejiqun（人口）

Sejiqun 351,461 ( 2010 hngkwasan ), seejiq klwaan nii o pusu bi niqan seejiq Awco ni seejiq mngimax dara mnlutuc Feyco, seejiq Feyco o nuli(奴隸) dha sbiyaw kiya.

Pusu bi sslian mniq Singpuroweytungsdaw(新普洛維頓斯島) kana.

Karac(氣候)

Kana pusu bi dxgal Bahamacungdaw karac na o muxul bi, dska Peyhweykwey-siyeyn(北回歸線). Mniq kingal hngkwasan mspac idas o, mniq 24 dhuq 32°C(75 dhuq 90°F) ka quqi(氣) na,1 idas, 2 idas o mskuy balay ka karac na, mniq 17 dhuq 25 °C(63 dhuq 77 °F ) ka quqi(氣) na. Bahama klwaan nii o kingal hngkwasan karac dha mniq 23.5 °C（74.3 °F),1000mm ka quyux dha hngkwasan kdjiyax.

Muxul biyax gbihur ni paru gbihur msuwil miyah mrmux Paymudacungdaw.1992 hngkwasan,paru gbihur Anderu (安德魯Andrew) mnuda daya Paymudacungdaw,1999 hngkwasan, paru gbihur Fuloyite(弗洛伊德Floyd) mnuda hraan hidaw Paymudacungdaw. 2019 hngkwasan paru gbihur Dwolianyi (多利安以) mrmux siida o biyax na psliqun bi ana manu, biyax bgihur na o 185mph saw bi (295 km) ka biyax na, paru bi bgihur o dhuq 220 mph saw bi (354km) ka biyah bgihur nii, kika paru gbihur nii o, maa endaan pusu bi paru bi gbihur mnuda Paymudacungdaw hini.

Pnyahan pnatas (參考資料)

維基百科網頁(本頁面最後修訂於2020年2月16日星期日 01:59)。檢自: https://zh.wikipedia.org/wiki/%E5%B7%B4%E5%93%88%E9%A9%AC (2020/04/06)

https://zh.wikipedia.org/wiki/%E5%B7%B4%E5%93%88%E9%A9%AC(參考中文維基百科)