Bgeyac

bgeyac （霧社白櫻）

Phepah bgeyac de bhege ma phepah snegin de tanah ka heya malu bale gtaan, anisi mntena ka ngayan daha Telu, usoin(霧社櫻) kesun daha. Ani nuinu egu gtaan kesun daha ka snegin tanah, ani si bgeyac nii de gino bale ssiyo alang Paran hini qtaan qhuni na,sekay(世界) icin de uka qtaan, kikesun daha toyocun(特有種). Patis Nonwehwe(農委會) duri de ga ptasun kesun cnsipinweucon(珍稀頻危物種) tgteru ka ngayan na. dungus nade uka nnngalan ani nuinu mesa. Gino bale alang nSeediq ssiyo Paran hini ka qtaan ka qhuni na.

Bgeyac nii qtaan hari kndalax alang Tongan, alang Bantay, alang Prngawan, alang Toda, alang Truku ma, alang Mastoban…dunii. Tnungo so hnei nanaq heya, uhuwe so pnhuma nseediq. Idanaq mnheru heyanaq kiya ini hari keegu so qtaan ka hei na.

Bgeyac nii naqah hari pmhaun duri si, anu tggarang lmiqu hiya, ini suupu ka qhuni daha ma, kiya ka ini teeru ka huwahun(花粉: gebuh phepah ) na. Kiya ka mguhepah ma tuting hepah(mrheroh) na, tkriyak ka hei na, tuting dheran ka rehaq na, ini pkpiya bale mdakin ka qhuni na. kingal duri de, anu biciq ka rehaq na duri, kuxul riyung mekan qbheni ma kui, kiya uka hari qtaan mdakil ka rabu na qhuni.

Kndalax hari idas 2 dehuk idas 3 ka mphepah ka bgeyac nii. Ki ka mphepah cida de qmuyux kesun daha quyux biciq, duma de quyux snegil kesun daha. Mmaha psrading hari ptukuy macu mesa ciida. Smnegun hari qmita quyux seediq mosa meepah.

Duma naq qtaan ga so mngaango menaq bbuyu neepah daha. anu ini kgeegu, kiya ka asi naq kmaguh hari skadi kiya yaani su maha qtaun. ado su so muku qmita hei qhuni paru na, niqan gaso Taytamehonnoncan(台大梅峰農場) hiya. Malu bale gtaan phepah na duri, ani si asi su naq tnaali ka skadi ali ssaun su qmita.

pnyahan pnataas

• 霧社小田尾 霧社山櫻種苗場 https://web.archive.org/web/20160822153930/http://www.taiwancherry.com/index.html

• 農委會官網 https://web.archive.org/web/20081013102826/http://ngis.zo.ntu.edu.tw/rareplant/species.asp?id=t00135

• 陳擎霞、簡鴻模，2003，《alang Tongan（眉溪部落）原生植物調查研究》。南投：中華民國臺灣原住民同舟協會。