Biyah qqita doriq laqi(兒童視力)

Spoda qnquran tmiyu “Bsiyaq diyax msdalih dmuwi doriq” pa kiya ka pusu bay ini biyaw smlih qqita doriq laqi, tiping kngkawas naqah doriq sdalih mita hay, krinah ini biyaw mrana ka tusu uri, mosa mpkrinah bay mrana naqah doriq sdalih mita, kiya mi mrana naqah doriq sdalih mita u mosa ini biyax mangal payneycang, cingkwangyeyn, ptalax suwangmwo mi hwangpan, pingpyeyn, kiya u ya bay mosa niqan 10% ka mpkpudu doriq.

Ⅰ. Quri so abunay naqah doriq sdalih mita

1. Bsiyaq diyax dmuwi qqiya tyeyncu.

2. Ini mnduwa tqlahang sthiyaq dmuwi qqiya tyeyncu smpu cida pa dmuwi ini pndungus hnyuwan qmita.

Ⅱ Quri so llaqi naqah doriq mita

1.Tmqmi doriq qmita qqiya.

2. Knttu rndruc doriq.

3. So kingal nanaq hari qtan ka lipax doriq (Mrya so doriq samu rodux)

4. Wada so sqcuqi thuway ka snlhayan uxay daw wada msbukuy.

5. Knttu mridil ka tunux, mquri baraw ka tunux uxay daw thmuku tunux qmita qqiya.

6. Smpu qmita cida, doriq mi patas u msdalih bay.

7.Smmriq mowiq ka doriq mi mrarux tunux kddiyax.

Ⅲ Qmralang doriq ka pwela tqlahang naqah doriq mita.

1.Kddiyax mquri nganguc mkksa hmrinas kbkuy mpusal pungkang.

2. Ini dhuq dha kngkawas ka laqi hay ini pqtayi ingmu, hmrinas dha kngkawas ka laqi pa ini khrinas ici jikang qmita ingmu ka kingal diyax.

3. Dmuwi doriq mturul pungkang u, msangay maxal pungkang.

4. Ini biyaw mtaqi mi ini biyaw mtutuy mi mttuku msangay.

5. Mnduwa qneqah mi mimah, kddiyax rima ssama mi hiyi pnwalang.

6. Kngkawas u mnduwa smpung diyax mntxal dhuq mndha muda keyngsa biyax qqita doriq.

Pnyahan(參考資料)

來源:

https://www.mohw.gov.tw/cp-4628-55393-1.htmlWeysng huribu

https://www3.vghtc.gov.tw:8443/html/images/upimages/17C5976DE58.pdfTaycyu eymin sobyoing

翻譯老師: Watan Diro/ 編輯手: Robaw Harung