Bulbul

Bulbul（霧鹿部落）

Gaga mniq Taytung Haytwansyang ka alang Bulbul.

58 sapah ka kneegu na sapah, 246 hiyi ka kana knhbragan na hiyi. Tnpusu seejiq o mangal 95% niqan 233 hiyi sp, rahuq na uxay tnpusu seejiq o mangal 5% niqan 13 hiyi koia.

Kana ka kleegan seejiq ga, Bunun84%, Amis2%, Puyuma1%, Truku1%, ni rahuq na o7%.

Pusu niqan alang(部落特色)

Ma dha tmhangan「vulvu」ka hangan alang nii hug, kika kndadax truma dxgal miyah baraw ka qsiya ni sphnang 「Huru huru」shaya.

Nniqan alang(所在位置)

Nuysan Taytung nsgan Haytwan alang Bulbul.

Gasuc nniqan(範圍)

Alang Bulbul o mniq gqiyan hidaw alang Kwanyan ni alang Haytwan, daya alang Kanting, hraan hidaw alang Ridaw, nniqan alang Bulbul seuxal o gaga mniq ssiyaw nniqun dha alang hiya sayang.

Lnglingay tiri(地理環境)

Kssiyaw yayung, bbaraw knjisan dgiyaq o 713mm.

Pkkla patas ppanun(交通資訊)

Mgrig rulu: Kndadax alang Skanki mtmay, mnuda elug Tay9 syeyn mniq saw nsgan Csangsyang do pairing Tay20 cya syeyn kika mtmay elug Nansen, kndadax Taytung mtmay, kiya ni kndadax nsgan Haytwansyang Tay20 syeyn mnuda elug Nansen.

Ppanan rulu: Ppanan basu Dingtung muda elug dgiyaq kndadax paru alang Taytung dhuq Ridaw, uxay uri o kndadax sngayan rulu qrngul Taytung quri Teyeync hiya na basu kwokwang. Gaga mniq elug Nanhen (tay 20 syeyn) 185k.

Sjiqan klgan nealang(部落所屬族群)

Bunun.

Djiyun kari(使用語言)

Bunun.

Snhiyun cungcyaw(信仰宗教)

Snhiyun gaya rudan sbiyaw ni pnrhulan Joro.

Pnaah alang(部落由來)

Plalay mniq hini ka Bunun seejiq Rwance, saw bi mniq brah hngkawas 210 seuxal, kndadax nyusan Nanto ruwan bi mtudu dgiyaq alang Rwance hiya, tnhjil dhuq Skanki nsgan Maribasi ssiyaw elug Batungkwan 「Tafen大分」, bukuy hngkawas empusal do kika mtru tnhjilan dha hini. Kari Bunun Bulbul o, dungus na o qluli qsiya ka kssiyaw rbuq dxgal hiya, hngkawas siida hana dhuq hini ka seejiq Bunun, alang Bulbul o gaga mniq daya slaq yayung Sinwuryu hiya na, niqan rqnux yahan dha mkan sudu kjiyax ka hini.

Gaga mniq hraan hidaw elug nanhenkungru ka alang Bulbul, tndxgal yayung kana ka hiya, nniqan hini kana ka seejiq Bunun seuxal, supu qmpah kmlawa klwaan alang Syama ka alang Bulbul. Ssiyaw alang Bulbul o mniq saw yayung Sinwuryu ni dgiyaq yayung Darungsi, kika pusu seejiq Bunun hiya o pnaah Nanto ni Skanki mtmay hini, mdudul kndadax hini tnhjil paru alang Kawsyung ka seejiq Bunun. Duma sayang egu bi seejiq kndadax nsgan haytwan tnhjilan alang Bulbul uri, kika seejiq Bunun hiya o lnglungay dha pusu pnaah nniqan Haytwan hini ka seejiq Bunun seuxal.

Pgkla patas rmigaw(旅遊觀光資訊)

Pusu pnhyugan dha nniqun:

◎Hakaw Teyenrung, Dowras Bulbul, Qhjing Bulbul.

Kska bi hakaw Teyeynrung ka pusu saan dha rmigaw qtaan, kndadax alang quri daya kksa, dowras Bulbul o yabi nganguc hari 1km hiya, kika pusu bi niqan qhjing ka yayung nii, ayus yayung hini o keegu bi qhjing, niqan qntaan saw asi kndadax ruwan dxgal spruq baraw ka qsiya qhjing nii. Niqan uri o mniq alang Bulbul niqan dha pnhiyug seejiq nihung paru spruq bali, siida saun dha kmlawa seejiq Bunun, kika kmciyuk klwaan Nihung ni klwaan Eros siida, kndadax ryusunswo empsaping klwaan Eros hiya msseelug paru spruq bali ka empsaping klwaan Nihung.

Saan dha rmigaw nniqan:

◎Karac tnphpah kana ka snuwil Bulbul

Pnhmaan qqhuni snuwil, qqhuni risax ni qqhuni bnuwar dnii kana ka alang Bulbul, dhuq idas 2 hngkawas kjiyax, tnphpah kana ni suyang bi qtaan, kiya ni seejiq alang Bulbul o dhuq idas 1~2 hngkwasan kjiyax siida mnuda dha 「Jiyax phpah」, malu bi qtaun ni hmrapas ka muda dha nii ha.

Pnyahan pnatas(參考資料)

• 內政部戶政司全球資訊網
• 原住民族委員會全球資訊網統計資料
• 《山地鄉之旅》2001，行政院原住民族委員會出版