Bunga qhuni

Bunga qhuni

　　Bunga qhuni nii we mgqhuni ka bubu na, ini pntena bunga taan ta klaali ge wahil ka bubu na, ani si ini pgqhuni bale duri, mgipuh ini beyo mgerung. Bunga qhuni ppuqun rudan ta cbeyo ge, bunga qhuni bhege, ado mbhege bubu na daka waso na.

　　Yaani ba knxalan 1970 hari ka ciida, prading mhuma bunga qhuni tanah ka dseediq alang, ado mgtanah hari bubu na daka waso na, kiya kesun bunga qhuni tanah. Ssalu ttbugan babuy, ququq ma rodux nPlmukan mesa, bale ba we ini puqi ita Seediq ka bunga qhuni tanah nii. So nii ka pphuma ta pnhgalang ita Seediq, mbahang maanu ka ngungalun Plmukan de smbarah ta mhuma, asi ka so kiya mpniqan tikuh pila sntkeyan ta.

　　Bunga qhuni tanah nii ge, teru knkawas pnhmaan de kriyun ka bunga na, gsgesan han ma phdagun, mdengu dige stquri lubuy ma saun maruy.

　　Ado teru ba knkawas ka cenga na kkriyun, netun sryuxun mhuma ka teru qpahan de, maha kknkawas niqan ngungalan pila denu.