Ciyak rudu

Ciyak rudu(絲瓜)

Knmalu ba hnreyan.

Tsyusan phrayan begu, sgimax tikuh siyang, timu, ucik qapan, mcheya ba puqun. Ma pkseelih mttilux hei duri. Ssiyo qnalang, so snldingan pusu cida qhuni, ttaan knkana mgceyas phepah, ma sddoyan hei na. Praan ka rudan hei ciyak rudu nii, mkere ba skayak ma uka ppuqun. Bobo na ka kklaan mesa ngalan ssino phrayan, ppngerah; scpilan pskulu hlama truma ma strima ka hei na nii.

　　Ciyak rudu, mbeyax ba knuudus ka gamil na, tuting dheran ka rehak na de, asi krana tnuggarang na hiya. Mgsama ka wahil na qmuru, snugamil knkere ba so ngudus sqeya wahil ma sddoyan na hei na peni. So qapal baga taan waso na paru. Mgceyas ka phepah na. Niqal puto qtehur, ma lqeling qnedis ka hei na. Mkrekan taan niqal eluw mgsama tgbaro na ka qraqil na. Mcheya ppuqun ka mgrabu hei na; uka ppuqan da rudan peni.

　　Mhada mgdengu hei na de, tuting dheran, so gemuk traguh ka tuwax, mhrehur tuting dheran. Meniq beling hei na truma splekuh rehak, seedan dheran rehak na, smgamil hmeru nanaq dungal.

　　Snterun ka “ ciyak rudu ”, ngngalan ssino; mreemux duma ma stkuxan skayak duma, gsgesan, strima.