Cudu

cudu (蕗藤/毒藤)

Cudu gamil nii ge so wahil qtaun ka bubu na, ado mdakil ma smgamil dheran ka bubu na, kii kesun miyan “cudu gamil” ka yami Seediq. Ini mahi seediq ka beyuq cudu gamil nii mesa rudan, niqan gcahu mesa.

smcudu qcurux（以蕗藤捕魚）

Smcudu nii we ririh so qqerac aangal nami qcurux yami Seediq. Smcudu de tmaqun tmuting btunux ka bubu cudu gamil nii hayan ma, sqada so bobo qsiya ruru ma qsiya yayung tikuh hari, sqada hii ka cudu gamil tntingan nii de, asi ptbhege ka qsiya ma mrtaso nanaq so kiya hari dungal,Ini qbsiyaq de meyah sbbuli kddamac bobo qsiya baro ka qcurux denu,kika roosun miyan mangal ciida ka qcurux. Meniq ka pntbhege qsiya kii we beyuq cudu gamil nii, beyuq na nii ka ptkuni ma pkdamac qcurux,kika meyah sbbuli bobo qsiya baro ka qcurux.

aangal miyan qcurux （本族捕魚的方法）

Yami kesun Seediq nii ge, uxe nami seediq mptqcurux ka yami, seediq miyan pqlmiqu ka yami,ani so kiya we niqan ka ddooyan nami qmerac qcurux ma bolung duri. Klaali we liihun nami ka ruru ma yayung tikuh hari de,qrapan miyan ka qcurux, bolung ma karang denu; kmobu miyan ma kmadi nami qcurux bolung duri, kiya duri we plaling miyan qcurux.

Pteumal pptasun

Tado Walis、Pawan Nawi、Siyac Nabu、Pering Tado ma Ukan Siyac ka smneeru Dakis Pawan ka smnnetur