Btakan bale / Dima / Jima (桂竹) smmalu patas

 
Dima-(桂竹)

Mniq Taywan hini u hbaraw bay kluwan sediq wa mhuma mi phmaan na qnpahan dxral qhuni ka dima nii, msama kluwan ddima ka hyaan, niqan bbaraw hruun qmuru na, ssiyaqw u bcriyu mburux qaraw mi mtrhak mhru, pusu qaraw dima nii u msdrux mhiyu mi ini qpupur mhru, mdakil ddwiyaq.

Cbiyaw han, ita sediq ngalan dha smluun phyuwan sapah, so ka qlabaw sapah,sduman umalaq tnsediq, ddaan ta mkala hakaw qsiya, smluun lbrak, qnalang, pcpingan qqiya mi qpahan iya, dnii slmuwan qqiya, rmabang bay u pngalan dha psmalu pusu pneyyah bawah ddima ka qaraw dima nii, uxay uri u mniq qnpahan dxral, phuma ta pnwalang ciida, smipaq qaraw dima, sciqi dxral mi psdhu pnwalang, so kluwan sukay, tomato, ciyak dnii hmaan pnwalang, adaw ka mhnuk ka qaraw na, ddiyun ta kngkawas 2,3 daw asi ka prixan burah dungan.

 
dima

Kiya uri, ita sediq ngalun dha hana mhru dxral ka lxi dima, saan na cmiyus mi uqun, uxay uri u qmasan dha, kiya lbuwan dima ka wasw na u ngalan dha tduma smluun ubung trasi, lbuwan qqiya, ou bay ddaun na ka dima nii.