Fanpoguey - Qahau / Bacaey (番婆鬼的故事 - 葛哈巫族 / 巴宰族)

Qridil sluhay mhuni kana ka Fanpoguey nii, dha ita sediq pa ini kou bay pndna ka hnyuwan nganguc, kiya ka kiya mi mbiyax balay Fa-li ka dhiya, mtduwa ddiyun na skaya, ppriyux hiyi mi meiyax mangal qqiya dnii euda na.

Niqan truma nii Fa-su na ka kluwan sediq Qahau:

Skaya: uqiyan dha bukuy ka wasaw blbun skaya, uxay uri u knlutuc ma kingal qpuruh msqlalu puniq cubu.

Mliing mksa: spoda na mliing truma dxral ini biyaw ddaan na.

Muda iyax: wana niqan tipiq bay iyax qnabil kiya tduwa daun niya da.

Doriq ngiyaw: kriyun na naq ka doriq na, pryuxun doriq ngiyaw spoda na tuura qmita mkuung kman, kiya ka doriq niya mrdax uri.

Ini pwowuy: pnhmaan na hiyi qhuni psaan na mehe, nasi niqan umowuy ka sediq u sqapah baraw hiya ka bawa na, nasi uxay Fanpoguey hiya nanaq miyah mangal sngyusan ida ini pngali.

Ppriyux hiyi: ppriyux mnuudus musa umowuy uuqun sapah eceicil sediq, turu papak kuray babuy mi ngiyaw ka pstnay rmngaw; tduwa dha msspriyux ka dha qqiya, enbahang enca rmngaw ka sqiqun, mnngal qcurux miyah sapah ka sediq, bukuy wada na psaan mhuni umowuy ka Fanpoguuy nii, wana naq kingal utuwan btunux msngari hiya.