Galu
Galu/ Walu/ Galu(鴨腱藤)
smmalu patasGalu ge, nwahil mgqhuni, wahil qhuni knpruwan ba knkeras ka hnreyan na peni. Qhuni wahil mpgeriq kndkilan na, ma mgpalic mpgeriq ka waso na ludux baro, mntena ba ngudus snegul qhuni cicil pnkaro mdakil. Anu qndhediq naq mkkaro, asi maku uka ttaan ka pusu na bbale waga inu di peni. Mslebi mntena so ka pae phepah na mgbhege, ptuman snbhuran bgihur knmalu ba sknexan.
.jpg)
Qndisan keras na hmrinas kingal baga, sduduy wahil qhuni brbaro. Niqal qnedis, niqal mbiki so slmadac, niqal mpgeriq so galiq qtaan. Knpruwan na hmrinas ba kana rehak nwahil ka hei na nii peni. Mkere mgqalux tgqwilaq so qhuni da snnawan ka hei na; nii ka kesun ta “gqagu ” tmngayan.
Rtretun dheran ptlexan ngalan pskluwi pnstilux hei seediq na lqlaqi rseno. Laqi mqedil ge, gmayus matis dheran, ngalan mtheyaq qmada, qmango piilo tthiqan. Scikul pgtalang kexil baga duri, meniq gnyusan truma, ma dehuk posa pnugnyusan truma, ma so mgeela dhekan puting gnyusan, kiya ka kesun mbeyax.
Rabu wahil ge sddoyan; wahil rudan ge skrwanun qndisan na pgkaro, pttlangan. So nii ka qqrasan tthiqan na ka lqlaqi.