Gaya tmsamat

Gaya tmsamat 狩獵習俗

psdaran qbhni sisil

Mmowsa dgiyaq qmpah aji uri o tmsamt, nasi meuyas iril ka ssisil ga, aji malu ka nii,nhari bi embrinah miyah sapah. Mmowsa qmpah qnpahan dgiyaq aji uri o tmsamt, nasi meuyas narat ka qbhuni sisil ga malu ka kiya, mtduwa musa. Mmowsa qmpah qnpahan dgiyaq aji uri o tmsamt, nasi paah iril skaya mquri narat qbhuni sisil ga malu ka nii, mtduwa musa qmpah qnpahan dgiyaq aji uri o tmsamt. Mmowsa qmpah qnpahan dgiyaq aji uri o tmsamt, nasi paah narat skaya mquri iril ka qbhni sisil ga aji malu ka nii, nhari bi embrinah miyah sapah. Mmowsa qmpah qnpahan dgiyaq aji uri o tmsamt,nasi mttbrih skaya brah su ka qbhni sisil ga aji malu ka nii, hari bi embrinah miyah sapah.

psdaran skribut

Mlatat mksa skribut btunux aji uri o skribut qhuni mtakur ga aji malu ka nii, nhari bi embrinah miyah sapah.

psdaran spi

Smpi su mgay uqun sunan ka rudan ga pgkla sunan mha lala bi ngalun su samat. Smpi su msaang sunan ka rudan ga pgkla sunan mha naqih euda su. Smpi su rnhsux paru qsiya pgkla sunan mowda su paru mnarux. Smpi su wada meydang ka pusu dnuuy su pgkla sunan mha niqan mhuqil taxa hiyi ka ruwan sapah su aji uri o isu nanak. Smpi su mnarux seejiq ga pgkla sunan mha su mnarux.tmsamat su keeman siida smpi su niqan mnarux ka ruwan sapah su ga aji malu ka kiya, nhari bi embrinah miyah sapah.

psdaran rngji rangaw

Mkleelug musa tmsamat ka emptsamat siida, asi lu sriyu paah bbuyu mtbbrih skaya brah dha ka 1 aji uri o 2 rngji rangaw ga pgkla dhyaan mha lala bi ngalun dha samat malu ka nii, asi dha gyapan hiya ka samat kkeaguh eiyah rngji rangaw.

pnyahan kari

資料來源: 口述耆老Lowsi Rakaw 2010

耆老黃長興 海珊文化月刊1999