Hlama dhequy mbutun (糯米飯)

Hmlama dhequy mbutun ge, asi ka niqal beras dhequy, kulu hlama, kasa, gemuk ma ribo paru.

Plaale we, rbegan qsiyaq tleetu ka beras dhequy hayan, asi naq rbegan 4 patis hido ka rbagan, rmabang malu rbegan 6 patis hido ka misan. Bobo na de, psaan qsiyaq ka ribo paru hayan ma, rnbegan beras dhequy kiya de, dhurun baga ka dhequy beras psaan krulu hlama truma ma, psaan bobo ribo paru ka kulu hlama, ni hmlama ciida ge, ini sai rmgelu ka kulu hlama, ini khada denu.

Mkkari ka qsiyaq ribo ma mkala baro ka qrengun kntlexan na qsiyaq moda beling kasa de, gmukun ka gemuk denu. Ini qbsiyaq, smkenux sknexan na beras dhequy de ririh so wada mhada ka beras dhequy hnpurayan di, nii kesun ta hlama dhequy mbutun.

Tnsapa ta ita Seediq nii, rudan ta cbeyo peni na, trmaan daha baga hayan ma, meekan de ppexun daha baga ka hlama dhequy mbutun, duma naq sricuh daha beyuq walu ka meekan duri.

Pnyahan pnataas(參考資料）

原住民族委員會原住民族文化發展中心 www.tacp.gov.tw/home02_3.aspx?ID=$3013&IDK=2&EXEC=L 1. 泰雅賽德克族人食物及其典故(一) 鐵米娜威依(曾瑞琳) p.185-p.188 2. Temi Puhuk ka smnetur