Hori
Hori(埔里) smmalu patas
.svg)
Phepah Hori(埔里花卉)(Seediq Tgdaya) smmalu patas
Anu mtgiya ssiyo Hori ka dgiyaq ma meniq conhaipa duri. Kiya ka pnhumaan na klegan phepah de kuhun riyung ani ima. Mnteru mangan snalu tgkingal ka Taywan nii, kesun malu pnhmaan na phepah. Alang ddaha ka Canhwa Tenwe ka mntena ngayan egu ma malu pnhumaan phepah mesa. Egu klegan ka phepah pnhumaan daha niqan mantensin, kannaysin, hutoran, huteran, fecocyeu, meykwe, siansue payho … dunii. Niqan klegan phepah ani mmaanu, ma ini setoq mhei kingal knkawas duri. Dehuk saya wada 450 koncing kana pnhumaan na phepah di, ma wada hmurinas cceka pnhumaan na kingal Nantosen 870 koncing knkeegu na.
Elug tcingan xiluy Hori(埔里打鐵街)(Seejiq Truku) smmalu patas
Sbiyaw o egu sapah ka tmucing xiluy “ngungu elug Nansing” ksun. Knlwaan ta Tanah Tunux siida, ida niqan naqih na ka tmucing xiluy, paru hnang na ni snbirat bi, egu qrngul na ni naqih bi sknxan uri. Kiya ka snslian elug hini sayang ka tcingan xiluy da. Sbiyaw han o wada niqan mtrul sngari sapah ka tcingan xiluy, sayang do ada ka wada kmpriyux ka kndsan babaw dxgal da, kiya ni wada kmdudul mpxing/mduk ka sapah tcingan xiluy uri da.
Hngkawas nii o(ga) yasa gokosyo(cnkungswo) niqan ka cawcey cihwa, kiya ka spuun ka kndsan ni rmigaw, iyux dha bi skhnang ka hangan elug tcingan xiluy duri, ttuyun duri ka elug tcingan xiluy, pyahun duri ka hangan elug tcingan xiluy ksun.
Sapah thmkuan teykung Kungc(孔廟)(Seejiq Truku) smmalu patas
Siyaw sapah thmkuan Macu hiya o niqan kingal sapah thmkuan cawpingkung yuhwatang ksun, seejiq hori thnganan dha “kungcmyaw”. Uxay wana saan thmuku seejiq ka hini, ida saan dha bi mssli smluhay knkla kndsan seejiq uri. Ruwan sapah thmkuan teykung kugnc nii ga/o tmgsa knkla hancu, ida bsiyaq mnuda dha mlutuc uda knkla kndusan ttgsa da, saw ka sc, sufa ni kwoyuey dnii.
Puru Gaya o asi ka dhuq niqan ka Utux Tihow , kika tduwa tcingan enduk, manu ka enduk kksaan ruwan sapah thmkuan teykung kungci nii o gaga tcingan 108 mey xiluy, ririh saw 36(mtrul matru) Teynkang ni 72 (empitu kmxalan dha) Tisa. Tncingan enduk nii o ida mtna saw Utux Rhngun , ida klaun bi ana ima ka hiya, niqan balay hangan na ka Kungcmyaw Hori nii.
Causyenci(朝鮮薊)(Tgdaya) smmalu patas
Niqan kingan ngayan kesun “sama kibale rungsiya(bolung rucilung paru)”duri ka Causyenci nii. Uka hari qtaan ka Taywan hini, ani si egu qtaan meniq Ouco hiya. Ncbeyonaq kulaun daha pkumalu ma pkubeyax rumun seediq ka alang ssiyo kesun Ticonhay hiya. Kndkilan na knbbaro de dehuk betaq 2 m, ma kuhun daha mekan seediq ka sudu tudu tuwax phepah na. Cheya bale puqun ma ini so kllabu nbuyas mtengi mnekan sama mesa. Niqan kingan seediq empsruwan daha ka knkela na quri iyu ssudu ka Ninyusu(Plinius), sama kiya de “sama puqan seediq malu kndesan ”mesa.
