Huhuc
Huhuc(大葉楠)
smmalu patasBeyhing bay qhuni mi msama ka lmukas nii, mqbulic ka rhiq na, mcicil mtumun hnyuwan ka hiyi buuc na, mdakil mniq ddwiyaq hruwan beyki wasaw qhuni.
Mniq Taywan hini u ou balay kluwan tnpusu lmukas qhuni, so ka lmukas beyki wasaw, lmukas banah, lmukas balay mi uxay nduwa lmukas bbaraw wasaw…dnii sun dha qhuni lmukas kana, ini biyaw mdakil ka qhuni nii, mi mmanang bay ka hnyuwan na, mbabah, mkbanah mi mcaas qbulic ka rabu wasaw niya, knmalu bay qtaan, ihiyux qhuni na u mddungus bay mhnuk mi mkray, smluun dha phiyu sapah, qqiya sapah, qquran pcpingan, qqiya uqun mi qtinuh, ou bay ka rrihan ddiyun na.
Kari bay wluq niya ka rhiq qhuni lmukas nii, smalu ida nkiya ajimoto ka ita sediq, kiya u knmalu bay dmayaw hmanguc ta sama mi mduh ta hiyi wawa, ngalan dha ka rabu wasaw na, smluun dmayaw sknxan uqun mi stbuwan dha uqan ccamac.