Jenaysyang

Renaysyang (仁愛鄉)

Klwaan ta Tanah Tunux siida, Renaysyang ga asi qlhangi nTaycungcow Nengkawcyin. Gaga phyugan Use ka kmlawa Renaysyang, gaga mniq kska ddgiyaq, Tpdu ni dowras iyax paru ka dxgal hini, yahan bi rmigaw eseisil alang seejiq. Renaysyang o gaga sslian mniq tnpusu seejiq, nCunghwa minkwo Taywansn ka hini, asi thngani “ Yensyang” da. Gaga mniq tgdaya hraan hidaw Nantowseyn, mrimal rima yensyang na kingal. Sngaaw bi Tayal ni Seejiq ni Bunun ka gaga mniq hinim klwaan Tanah Tunux siida o paru bi snyukan na Tanah Tunux Usescyan ga, kiya ka hini ka ppneuqan da seuxal.

Klwaan Renaysyang o gaga phyugan Use, “alang Paran” ksun ta ka ita Seejiq. Gaga pklug bi mniq kska llmiqu Taywan ka Jenaysang, hiya niqan llabang bi ddgiyaq, niqan empajiq ddgiyaq ni msama ayug ni mtlawa karac. Yasa gaga baraw tudu ddgiyaq iyax pusu yayung tudu ni pusu yayung ribaq, kiya ka ksun dha “iyax bgihur Use”, mrulung ni saw bi gmukan rulung kika thnganan Use.

Renaysyang ga gtguc nklaan hidaw Hwareynsyen, gtguc ryaxan hidaw Pulicen, tgtruma o mlutuc dha Sinyisyang, mseayus dha Taycungse , hiya ka tgkingal paru bi dxgal Nantowseyn klwaan tnpusu seejiq, qnjisan na ni knlbangan na o mntna hari Canghwaseyn. Tnpusu seejiq hini ga Seejiq ni Tayal ni Bunun ka hbaraw bi. Paah hngkawas 1950 do niqan ka kndadax Tlu uri da, smnegul heytay cengfu paah kiyig TayMeyn, miyah thjil Snapaw Jenaysyan. Prajing kmbgurah nungcang dgiyaq, phiyug alang heytay. Yasa snegaaw kndadax Yinnansn ka empheytay siida, dhiya ga ida hbaraw hari ka seejiq Payicu ksun. Kiya ni dmayaw prana gygaya Yinnan Payi, mseupu ka dha gygaya tnpusu seejiq do wada mgimax maakingal nanaq gygya hini da.

Niqan kingal pusu bi elug Renaysyang , “Puukungru” ksun, hiya ga thnganan elug saan rmigaw Gokang(Hehwansan) uri, hiya ga neelug Tay14. Kleelug yayung ribaq, mtqriqi ni msteetu ddgiyaq. Smbu hidaw karac o mtlawa ka karac baraw, kngkingal mbhgay qnpringan rulung. Nasi qmuyux ciway o mrulung ka ddgiyaq ni saw bi klwaan tgdaya knmalu nniqan. Elug Tay14 dhuq Use do wada sugun cayseyn ni iyseyn dha elug duri, mmusa paru bi hangan dha Rusan ni Tayiring saan rmigaw.

Pteumal pptasun(資料來源)

詹素娥Ltuk Teymu