Kari pnsltudan rudan ndaan pusu qnquwan2

Kari rudan ncbeyo, malu riyung ka kndusan seediq, phuma macu asi phuma kingal bale pusu na, phmaun daha siyo rhengun sapah, neepah na ndheya, wano naq tloung siyo gakac qmlahang kingal pusu macu, ini sdlingi lngedi,ma ini alix slgelu ka hei macu, kmetuy ciida, gino mangal kingal demux macu psaun daha paru ribo truma,asi lux stenge ribo ka ido macu ;netun mkmekan wawa camac, asi eyah mheyu berah seediq, saan na blebil kingal uban camac ka seediq, psaun na sapah btuku truma, ma mangal kingal btuku gmukan na, so kiya hari de rwahan na ka gemuk, asi maku stenge wawa camac kana ka btuku.  

Niqal kingal mqedil mngangah ka cbeyo, pure ido ciida,wada na asi pusai kingal pote lubuy beras macu ka ribo truma, rwahan na ka gemuk ribo, “pit” ! Wada asi mpuruc kana ka ido macu di;niqal kingal mqedil mngangah dungal, smeliq Gaya duri, kmeruc tikoh hei camac ka heya, kndalax bobo na, ani si mlawa ka seediq, ini bale tkriyak ka niqal kinga l mqedil mngangah dungal, smeliq Gaya duri, kmeruc tikoh hei camac ka heya, kndalax bobo na, ani si mlawa ka seediq, ini bale tkriyak ka camac di;mesa ka camac:“Asi namu ka pgdiyan pako kana hei namu, kii maha namu meekan wawa camac denu ”.  

Dehuk saya,naqah kuxul daha lmngelung kesun ndaan pusu qnquwan Gaya nrudan cbeyo, ani rabang.

Pnyahan: Patis kari pnsltudan rudan-Temi Nawi