Knbaka balay ka nmahan mi nkan (均衡飲食)

Tyuun kddiyax baka balay mi tuku nangal uuqun kkluwan mturu ka Knbaka balay ka nmahan mi nkan, muway tuku balay biyax kntlxan mi keou kluwan eyyo hiyi, kiya psdhu pndaan qbuhur mi hmmuk pyahan mnarux.

Mturu uuqun kkluwan nii:

(Tukingal) Kkluwan payay mi pnwalang: idaw, bicun, buwax calay, mnhru tasun payay, layan mi sukay banah, mugi, sari, bunga, bawan, lmbay dnii.

(Tudha) Kkluwan sukay, qcurux, balung mi hiyi tnbuwan: pusu balay pnyahan bqanan dngiraw balung, mlih mangal ou bay siyang.

(Tuturu) Kkluwan qqiya nunuh dapa, nunuh miric, emu nunuh(miruqu), iyoluoruu,ciis dnii psnalu qqiya nunuh.

(Tuspac) Kkluwan abura mi hiyi qhuni, rhak: abura curung, abura sadangka, aburu kweyihua, hiyi qhuni.

(Turima) Kkluwan sama: ningjing su, msama su, mbabah nasubi su dnii, niqan musa cmiyuk mnarux Gang, knmalu cmiyuk pnyahan mnarux.

(Tumtru) Kkluwan hiyi qhuni: ida niqan hlama ida nkiya, subway na pnyahan kkluwan mchiya.

Pnhyuwan kluwan pskbiyax hiyi nmahan mi nkan:

1.Chdilan hiyi u pshduwan lmnglung

2. Pnstnaun su ka nngalan uuqun kkluwan mturu

3. Umaaw niqan bay sian weyi ka uqun

4. Stipiq abura, stipiq tmuan, stipiq mchiya ka uuda uuqun nii u

5. Mlih mangal ka abura

6.Stkuhan mangal stmuan

7. Ou hari mangal ka uuqun Gay

8. Keou hari mimah ka dndangan qsiya

9. Hmmuk hari ka mahan sinaw

10. Muda msblayaq mbku kdiyax ka pkbiyax hiyi

Pnyahan(參考資料)

來源:https://www.country.org.tw/%E8%A1%9B%E6%95%99%E5%9C%92%E5%9C%B0/%E8%A1%9B%E6%95%99%E5%96%AE%E5%BC%B5/408宏恩醫院

翻譯老師: Watan Diro/ 編輯手: Robaw Harung