Lluhay bay undo

Luhay bay undo (規律運動)

Spoda ndan pnkla mita WHO(世界衛生組織) pa, puqan ,sinaw, ini mnduwa mkan mi mimah, ini ttuku lmlu ka hiyi mi qthur hay, to so pusu bay abunay bnbur quru gang,kiya mi hmrinas turu tukingal gang u malu dan qmdahang kiya. Ida so mkla kana ka hbaraw bay sediq ou bay pkmalu hiyi ka undo, kcka na hiya knmalu na bay pa, kiya ka kmlih mpusal paseynto (20%) abunay bburan gang ka undo,kddiyax lluhay bay undo mturul pungkang daw kiya ka malu kmlih abunay dndulan gang qthur iraq,gang nunuh mi gang ruma kadi lbuwan, kiya ka iyu pdakar duma gang ka undo, malu pdakar knrudan uri. kndudul mrana ka kngkawas da hay, wada mkala ka dndulan narux gang uri. narux kknrudan ka narux gang; kkluwan owda pkmalu narux gang u, mray so pkuruc, hwaryaw, pkmalu pkrdaxun, pkmalu so cbuwan budi uxay daw so pkmalu ini ruyi narux u niqan ini pntna dndulan na, muda smliq tama baraq, neyhunmi, elu iraq lktu, ini ruyi narux, priyux nngari, singkey, baraq, sopkowic hiyi,mbba ka rayuh mi lmlamu mnarux, malu muda kmlih mkrda pkmalu narux gang brah mi pkmalu narux gang bukuy ka undo, tokubeycu bay ka so pmlih bay so pkowic hiyi, mmari lnglungan mi so ini tblayaq lnglungan, pkbiyax kana hiyi, pkrana knmalu hiyi quri pkmalu kndusan u wada niqan pnkla dha. Knkal iyax sngayan mnturu dhuq mnrima mturul pungkang undo tucka tubiyax yoyan uxay daw phmuk biyax (Pkhngak hari binaw so malu pprngaw kari niya) pkudus sipaw pkbiyax hiyi, malu ptura bay pmlih dndulan hiyi iyax pkmalu narux uxay daw babaw pkmalu narux. Nasi mnnarux ka sediq scuqi mowic hiyi uka brahan bbaraw diyax undo pa, malu spriyux mntxal maxal pungkang, ana so ini kbsiyaq mi prnaun ka muda, so malu dhuq hmrinas kbkuy mrimal pungkang ka ndan knkana undo knkal iyax sngayan.

Ini srhuqi ka muda smung pkbiyax hiyi brah undo

Undo ka sediq mnarux gang pa, ida asi ka qlhangun bay ka quri hiyi ta nanaq, so uxay mphuya ka iyax muda undo cida, mray so tnuwing tunux, thmuk brah uxay daw mnarux brah, ngalun lhbun uxay daw ini mnduwa ka tama baraq, ini ,mnduwa pshngak ka owda dndulan na, ya kiya ka pkla abunay ncahaya, asi ka msangay undo, kiya mi muda smiling ising hyaun ncahaya pnduwa.

Pnyahan(參考資料)

• 來源:健康2.0https://health.tvbs.com.tw/medical/325360
• 編輯老師: Watan Diro / 編輯手:Robaw Harung