Lmala
Rmala/ Rmala/ Lmala(過溝菜蕨)
smmalu patas
Lmala nii ga yaasa gaga tqiri ka dudux na, kiya ni thnganan dha “sanfungwey” uri. Ida smkila bi mdkil mrusaw na dxgal ka lmala, ana nanaq sqyuxun o ini saw manu, rbagan ka hruan niya balay.
Nasi saw sbgihur paru, uxay uri o qmuyux paru siida, lmala nii ga ini saw manu. Ida hiya ka lxan bi slayan kmtuy ssama. Rudan ta sbiyaw o spruun dha bi qmita ka lmala nii, ida dha ksun pusu bi niqan ririh na uqun ka lmala msa.
Yasa lmala nii ga mhnuk sqtan ka rabu dudux na, kiya ni asi duuy baga smqic lmala. Mnhdu smqic lmala ka tduling baga o ida sqpahan biyuq lmala ka baga, asi ka saan trima nhari, ini trmai nahari o mqarux ka baga ta mesa. Lmala nii ga mskuy uqan, nasi cmiyus o tduwa gmaxun cikuh usik qapan, kika musa muhul hari ka qbubur. Malu bi uqun msa.