Margrethe II (瑪格麗特二世)

Mntucing hngkawas 1940 idas 4 jiyax 16 ka Margrethe II ga, empklaw ka hiya.

Bukung klwaan Denmark ta sayang o kiya ka Margrethe II, pnaah hngkawas 1972 idas 1 jiyax 14 pnrajing kmlawa klwaan.

Margrethe II (瑪格麗特二世)

Margrethe II (kari Denmark: Hendes Majestæt Dronning Margrethe II, kana bay hangan niya pa Margrethe Alexandrine Þórhildur Ingrid, kngkawas 1940 idas 4 diyax 16－) ka Bukung Qridin Denmark saya, kiya mi spuda hnyuwan niyi ngalan Pnrhulan Denmark tubaraw bay Bukung uri. Margrethe II u niqan bay hnhangan niyaq smdalih bay sediq mniq Tudaya Oco, kiya u sqrasun bay ssediq qnlhangan Denmark. Margrethe II ka kcka rikisi Denmark tu2 Qridin ngalan Bukung, nniqan niya saya pa msthiyaq 600 knkawas tuhuy Margrethe I; Margrethe II uri u snpeyyah kngkawas 1513 dhuq saya, mwaya bay dmuwi snpruwan hangan uxay `Flederik'uri mi, uxay `Kristian' uri na Bukung Menmark.

Kndusan (生平)

Bukung Qridin Margrethe mniq kngkawas 1940 idas 4 diyax 16 mntuting Menmark sotu Copenhagen na Amalienborg, kngkawas 1940 idas 5 diyax 14 mniq Pnrhulan Heytay Tucilung ptwaya pcuyuq qsiya, kiya mi mniq kngkawas 1955 idas 4 diyax 1 mniq Fredensborg muda Psdhu Psiling Snhiyan. Alaw mntuting cida ka hiya pa Iceland na qnlhangan Weynso u ida Bukung Qnlhangan Denmark uri ka ngalan Bukung, wada biqan hangan Iceland ‘Þorhildur’ ka hiya. Bukung Qridin Margrethe pa snpeyyah laqi tiping daw mnuda mndungus bay muyas: mnusa qnlhangan icil muyas brah cida han u mnuyas Denmark Pyasan Tubeyhing Copenhagen mi Pyasan Tubeyhing Aarhus, bukuy daw musa muyas France Pyasan Tubeyhing Paris mi Ingkoku Pyasan Tubeyhing Combridge mi Pyasan Tubeyhing London Seyji Keyjay Sweyweyn muyas smluhay.

Margrethe II muyas pyasan tubeyhing cida pa pusu bay u smluhay Scyeyn Kawkuswey. Margrethe II u mkla balay juga mi tminun qumi, tumal knou bay Denmark Utaycyu, Parey Ucyu mi Eyga Antusng Tonghwa na lukus mi pucing seykey. Mwocyey kari Denmark pan niya rmicuh juga uri. Margrethe II pa mkla balay kari Denmark, kari Sweden, kari Ingkoku, kari Frace mi kari Doicu.

Alaw ka Margrethe pa tama niya Flederik IX Bukung Qnlhangan pa uka laqisnaw, Denmark seyhu u mniq kngkawas 1953 cida pusa kari knpriyux waya, sbrahun ka waya rmirih Bukung, srwanan ka qridin malu rmirih Bukung. Kari niyi u knhbrawan sediq Denmark pa smruwa mu dmkuh kana. Qbsuran bay laqi qridin ka Margrethe kongcu u wada mtu1 mpririh Bukung. Wada mrdang ka Flederik IX Bukung Qnlhangan daw, Margrethe u mniq kngkawas 1972 idas 1 diyax 14 ka psdhuwan phiyu Bukung, dhuq saya pa nniqan niya mBukung u 49 knkawas 231 diyax, kiya ka tu2 qnbsiyaq mBukung na Bukung Denmark.

Hniwan niya (角色)

Mntna so duma Bukung phiyu waya, Bukung Qridin Margrethe pa ini tumal ddaun kddiyax seyji, binaw mniq pssli mnsupu seyhu cida daw, Margrethe II u mtqita dqras txtaxa bukung tangpay, kiya ka malu muda pprngaw psupu pssli seyhu ka dhiya.

Kndusan niya nanaq (個人生活)

Bukung Qridin Margrethe u smkuxul rmicuh juga, hangan niya rmicuh juga ka Ingahild Grathmer, mnou muda psdhmaun pqita rnicuh juga niya, Bukung Qridin Margrethe pa mkla balay seykey lukus uri, mniq kngkawas 2009 splawa Denmark tawyeyn Peter Flinth pseyga na Antusng Tonghwa snbrahan eyga u hiya ka muda dmudul quri seykey lukus, hiya uri ka ngalan Menmark Hwangcya Pareywu na lukus seykeys. Bukung Qridin Margrethe u niqan bay hnhangan mkan puqan uri, binaw spuda Menmark u hmtur mniq kcka nniqan mkan puqan daw, Bukung Qridin Margrethe u wana nanaq mniq nniqan niya nanaq kiya ka mkan puqan.

Tnsapah (家庭)

Kngkawas 1965 cida, Bukung Qridin Margrethe u mniq London tuhuy nngalan France Cu Ingkoku Taskwan Misu Henri Marie Jean Andre De Laborde De Monpezat Pwocwey pkkla mi pskuxul. 2 kngkawas daw, kngkawas 1967 idas 6 diyax 10 cida ddha dha pa mniq Copenhagen Pnrhulan Fredensborg muru waya pnsltudan Denmark muda knbeyhing bay psdhu pnstrngan dha. 1 knkawas daw, 2 tiping Wangc Flederik mi Yoakimu skkingal mtuting babaw dxral. Flederik Wangcu ka musa mpririh Bukung hiti. Kngkawas 2018 idas 2 diyax 13 cida, wada mrdang ka Henrik Cinwang, knudus niya u 83 knkawas.

Pnyahan pnatas (參考資料)

List of current heads of state and government
Hlitan na Watan Diro