Mhduq
Mhduq (痛風)
smmalu patasMnarux mhduq pa hay wada sqcuqi so mkala baraw ka lnmaxan smpu knnihur chmu kcka dara, wada thhmuk msli cka qnpringan buc mi pungu buc hiyi ka mnihur timu mqrari, wada so mkyeyncng ka pungu buc hiyi.
Dan balay mnarux mhduq pa mrahuy kngkawas snaw mi wada thmuk yahan ka qridin, pusu na bay han ida snaw ka mngari kmxalan dhuq mngarin kmxalan rima (90%-95%) knou, pusu bay rmading peyyah mnarux mkala baraw knihur chmu u, kiya ka knkana qnthran, mumal mrana cnhdilan, mimah sinaw, mkala dara, dmuwi iyu peyyah chmu, ini pnduwa ka biyax na quru, Uxay daw mnniqan mnnarux mhduq ka sediq tnsapah hay, kiya qpuruq abunay muda mnarux mhduq uri.
So bay triyak ka dndulan na u smpusal miyah ka mbanah mbba hlitan mnarux, ncun ptbalay ini knarux, mncul u kiya ka krinah mnarux. Yhan mnarux ka pungu buc hiyi pa ya bay mosa niqan mkbtunux mhduq, qtan bay ka pungu qaqay mi pungu bawa, krinah bay pungu tama qaqay.
Sediq mnarux mhduq uxay daw sediq mnarux mkala babaw knnihur chmu bay, quri so uuqun u asi ka ini sqcuqi ou bay hiyi, uqun mundus qsiya ucilung mi ini hari kan ccamacsing tanpaycu.
So kiya hay, sediq mnarux mhduq pa hay, sposa kari asi bay ka knbaka bay ka cnhdilan mi asi ka mimah knbaka qsiya ka kddiyax, kou hari mkan quri ssama mi mkan hiyi pnwalang, uqun smnalu sukay mi smnalu biyuq nunuh. Iya imah sinaw mi mmahan niqan sato, kiya mi iya ekan uqun mkala bay kawpurin, mray so iiyaq mi biraq, mbanah hiyi, qcurux mi uqun mundus qqsiya ucilung.
Pnyahan pnatas(參考資料)
smmalu patas- https://www.cmuh.cmu.edu.tw/HealthEdus/Detail?no=4864Tnsadal Byoing Sapah Pyasan Tubeyhing Iyu Cyokoko.
- https://www.nant.mohw.gov.tw/?aid=509&pid=57&page_name=detail&iid=348Byoing Nanto
- 編輯老師: Watan Diro / 編輯手: Robaw Harung