Mhuni” mi msapuh

Pusu pnyahan kari sunca “Mhuni”, cbiyaw pa hay nasi niqan ka sediq wada ngalun mphini, kcun hari sediq ka dhiya, micu tuhuy dhiya pprngaw mi msdupung uri ka dsediq; ini srwani mniq kcka alang uri, thdilun dha mniq nganguc alang ka hiya. Pniyahini ka tnhnganan mhuni.

Nasi mkla dmuwi pnsltudan smapuh ka taxa sediq, kiya mi dhuq pkmalu hbaraw bay mnarux sediq, hiya mi tnsapah na pa mosa tndhun bay sediq.

Nasi wada na klmun ka hbaraw bay mnarux sediq, binaw alaw uka pila klabuy ka rudan cbiyaw, so kiya, alaw iyux cmiyuk unhuway na ka sediq mnnarux, sediq mnnarux hay sbuway na pala tninun pnpungu mi macu ka hiya, niqan ana manu ka sediq mn narux pa bqanun na hiya kana. So ni ka pnsltudan rudan cbiyaw, “Mpsapuh” suncahaya, malu sunca “Pnsltudan ising” uri.Pnyahan: II-Pnngalan kari wowaya pnsltudan kari Sediq-Temi Nawi mptusap.79-81