Mnarux Ceher (結核病)

Tg1, Maanu kesun mnarux Ceher

Mnarux mneru pnatis ntgteru ka mnarux Ceher, knthuwe meeru mnarux ka nii, pneeyah Ceherkangcyung neru, knciyuk naq hei ini knarux ka 95% seediq, moda dara ma qsiya Lingpa gmaran mangal mnarux teerang ma Ceher teerang icil ka 5% seediq. Maha mnarux hei truma ani inu ma kana hei bnkeyan, so ka Lingpace, Nawmo, Syungmo, rmune, buuc, qraqin, Siawhwataw, Minyaw Sngctaw dnii, Lingpaceher ma Buucceher qtaan klaali, niqal dungal de Cehersyng Nawmoyen; stikuh hari spegan maangal mnarux Ceher teerang iicil daka mnarux teerang.

Tg2. Ndaan meeru

Spooda meeru turuq snkiya daka pshengac na; seediq msgaalu psdaling ma seediq kntnaun meniq tnsapah kii asi angal mnarux. Uxe kesun maha niqal kana beyax na meeru ka seediq mnarux Ceher, netur meeniq stliyus Ceher turuq de kii maha niqal beyax meeru. Seengun mekan iyu hmrinas daha gdregan de, kii maha hridun knbeyax na meeru. Duma de qlahang naq hari hei, tbsengu, mangal klabuy sresun ma ubun quwaq daka muhing ka msseyaq, mangal klabuy sresun lbuun ka niqal turuq, pdaun pqluli Matong ma qdanun kulu niqal gemuk ssliyan sudu, kii maha pncngan knparu hridan meeru.

Tg3, ali mgleing hei

Maha sepac betaq maxal daha gdregan hari ruun meyah mnarux, bobo ruun mmteru betaq maxal daha idas de mnnarux ciida mkrana betaq mnnarux teerang kii siicu ba.

Tg4, maha knpiya ali meeru

Meeniq muudus Ceherkangcyung ka turuq kii maha mreeru, spegun stliyus Ceher kii klaun knbeyax mreeru na, knmalu bnnege iyu knciyuk Ceher, maha ini dehuk daha gdregan meelih pmeru denu.

Pnyahan pnatas (參考資料)

中文文章來自Bakan Temu(梁秀珍)
Tseeru na mptgesa Bakan Temu(梁秀珍) ka pnatis nii.