Mnarux gang baraq(肺癌)

Uka bay hhnang mi mangal bay knuudus uri ka mnarux gang baraq, saw hari uka balay rngaw pqtaan mnarux na ka tnpusu ciida, kiya uri u tquwan dha qmita mnarux baraq, msiyaq mi msima dnii. Knrinah spac tntunan mnarux gang baraq wada knttanan knnaqah mnarux na kiya klaun balay mangal da, kiya ka duma 1 tntruan wada sndalan ciida ida nangal tuturu tntunan mnarux gang baraq. Ma uka pqtaan mnarux mnwaya ka gang baraq hu? Kiya mi ini eniq ka tnpusu pqtaan mnarux gang baraq, balay bay mslxan ka pusu pnyahan na. qntaan ta nanaq mnarux mi ini knmalu, kiya qbubur ta ruwan urac ndaan cmiyuk pstutuy qbuhur, kiya ka kiya mi baraq ta ruwan u tikuh bay saw urac dudux, kiya mi mthuway mrana mhru, kiya mmanu pwla hnyuwan Gang baraq balay bay “uka qnita na nanaq” . Tmiyu ka Ameylika cicinghuwey, ou bay smapuh pwla mnarux gang baraq uxay quri smuung mnarux gang baraq kana mi pswaaw kmuruy ciida pkluwan sndalan dha. Niqan mngari ka prdingan sblyaqun qmita marux gang baraq. Truma nii u ya balay prdingan pcriyu mnarux gang baraq bnkuwan sediq mnarux gang baraq, binaw pqtaan mnarux nii u ya ana sediq kiya ini mtna. Basi saw pcriyu ou balay rnngawan hnyuwan mnarux, mi kkdiyax neou daw, asi su ka psiling ising kklaun ddaun.

Kingal, qbsiyaq msiyaq ini kmalu.

Dha, qtai kluwan msiyak.

Turu, uka saw uuda u mtbiyax bay pshngak na uri.

Spac, mnarux brah, mnarux hwirang mi mnarux bukuy.

Rima, bhangan hnang pshnang hiya nanak.

Mturu, wada mppruyux ka hnang na.

Mpitu, wada kndudul mlih ka chdilan qbubur.

Mspac, lmnglung saw hari mnarux ka buuc hiyi.

Mngari, saw bay msnuul qbubur ka mnarux tunux.

Rahuq na niya niqan mi prdingan pnteanaq saw quri mnarux gang baraq , saw ka: wada bay mowic ka hiyi. Kiya wada thdil rahuq na tlungan qbubur ka rhak gang mnarux naqah, kiya balay niqan pqtaan mnarux gang baraq ruma nii: ini kkmkan.

Spuyan dara

Mnurux buuc uxay uri u murung buuc, saw hari mniq bukuy uxay uri tpaqan.

Musa thdil luqi tunux ka mnarux gang baraq, wada daan ppriyux pwasut urac kksaan qbubur, pqtaan mnarux na u niqan saw mnarux tunux, mtnuwil tunux, mmiric, uka biyax ka bawa mi qaqay uxay uri u mssi, pnduwa sndrxan qbubur.

Wada thdilan rumul ka mnarux gang baraq, kiya psluun na mcayis hiyi da. Mlabu ka mquru pupuk, saw mniq waru uxay uri u mniq tlungan buuc hwirang. Nasi su niqan ndaan mnarux tnsapah gang baraq uxay uri u luhay mkan pukan, ya balay musa su pnsdhu diyax pswaaw kmuruy, pwela hari musa pqita isngan, kiya tduwa pkrana spngan knuudus mnarux gang baraq nii.

Pnyahan pnatas(參考資料)

Hello 醫師 https://helloyishi.com.tw/cancer/lung-cancer/warning-signs-of-lung-cancer/
編輯老師: Uya 洪良全 / 編輯手: Rabaw harung 陳淑微