Mqedin mmbserux （懶惰的女人）

Niqan kingan kari rudan cubeyo. Kari nii rumengo dungus phuma macu cubeyo. Mesa ka kari rudan: “niqan kingal mqedin cbeyo, yaani mngangah hari. Wada ini thei Gaya pure macu cubeyo. Kiya ka paru riyung ka bqerus seediq meepah dehuk saya mesa.” Kari hunity rudan.

Niqan kingan kari rudan cubeyo. Dungus na de ga rmengo“phuma macu” cubeyo. Mesa kari kiya“ini asi phuma egu riyung macu cbeyo. Anu ini pure egu macu stexan ka ciida han. Mangan bale kinganl demu na de knbaka pure ma mekan kana tnsapah denu mesa.

Malux ini pntena saya di? Mesa ka kari rudan:“ niqan kingal mqedin cbeyo, yaani mngangah hari. Wada ini thei Gaya pure macu cubeyo. Pure kingal bale demu mgedin seediq ma, ye lmngelun mesa asi ta pure egu hari, kisi ini kntetu pure ma, maha busiyaq puqun mesa lmngelung.” Ki wada na asi purai egu ka macu stexan di. Mbuwa ciida pnhrayan na “Buroq! Buroq ! Si” ka hnpurayan na, wada asi smnegun ssiyo supeh cuwaq ngaguc ka macu hnpure na. Skului ka mqedin nii. Asi na hai rmawah ka gemuk na supeh kiya.“Pi! Pi! Pi! Si” ka qbheni puruc kndalax supeh truma wada skiya ngangac hiya. Knbukuy qmita ka kinghal macu si, mesa rmengo:“ma su mqedin mngangah! So ni su sumelaq pure macu, maha namu tmering ma thido hido bobo dheran, maha namu qnbqerus phuma macu.mesa” Mhedu rmengo kari ka puruc de wada kibale Utux skiya ngaguc dehuk ini qtai. yaani sepac ma rima hari pnhumaan daha de ini kuure kana ka tnsapah si. Kiya ka blequn daha riyung qmlahan pnhumaan daha macu cubeyo. Paru hari macu se, blequn daha qmita ma ini daha bale susai pstaling rengedi si, ki ka gganun daha cida na, icu daha peyah staling bobo bubu macu hiya ka kuy ma lungedi. Blequn daha bale qmita si.Bale bale ka cbeyo si.

Ki ka duma mqedin se, mosa gnbaruy qhuing seediq ma psaun daha tunux daha si, anu ado so niqan quhin ka tunux daha de, mrukerak riyung ka tunux daha, kiya ka ini kchungi lmgeluy bubu macu, ini sleun qmlahan macu denu mesa.

So kiya bale ka seediq cbeyo qmlahan pnhumaan daha. Saya de, niqan ka kesun daha puruc mukan duri, paru hari ka hei na ma ini hari pntena ka puruc bale. Ini beyo bale mekan heya, kiya ini daha phniqi ka pnhumaan na seediq. Egu riyung bale ka pruc mukan saya. Ini na bale lngii ka pnhumaan daha. Kiya uka hari seediq phuma macu saya.

Kingan duri de, phuma paye ka seediq saya di, glahan ma gehety pnhumaan daha, egu ka kikai doun daha dmayo meepah duri. Ini seelaq ali ma ini gmtange bqerus qqeepah seediq duri. Kika kndalax phuma paye ciida de, kndudun ini phuma macu ka seediq saya di.

Ani si kesun ta kari rudan cbeyo nii, malu ka dsdesun ta saya ma lngagun ta laqi saya ka dungus na duri. Anu dngus na nii duri, ga lmengo laqi ta“iya kbserux meepah ma blekun smrinah ka neepah ta mesa, kingal de asi ta naq so smnegun ka Gaya ta, ini ta thei Gaya de maha so kpriyux ka ndaan beyo denu mesa.” malu bale ka hnity kari na rudan nii duri.

Pnyahan pnataas(資料來源)

台灣原住民族歷史語言文化大辭典 http://210.240.125.35/citing/citing_content.asp?id=3679&keyword=%C3i%B4k%AA%BA%A4k%A4H http://210.240.125.35/citing/citing_content.asp?id=3747&keyword=%C3i%B4k%AA%BA%A4k%A4H

曾瑞琳，1994，《賽德克族神話故事》，南投：南投縣天主教山地服務研究社。

許端容，2007，《台灣花蓮賽德克族民間故事》，臺北：中國口傳文學學會。