Nsgan Cen-kung

Mquri saw spgan hini o,pgkla Nsgan Cen-kung ga mniq alang paru Nyusan Taytung.Qhlangan Nihung siida ka alang Cenkung o,qtai nanaq gaga patas srisuh 「alang Sinkang」kida.

Alang Nsgan Cenkung(kari bsnawan:Madawdaw;kari ngayngay: Sṳ̀n-kûng-chṳ́n；kari Teywan: Sîng-kong-tìn）ga mniq alang paru Nyusan Taytung qlhangan Taiwan.Qquri iyax nklaan hidaw tgdaya,mquri tgdaya o,pslutut alang Nsgan Changping,mquri nklaan o,pslutut gsilung paru Taypinyang,Qquri tghunat pslutut alang Nsgan Tunghu ni qquri ryaxan o,pslutut dgiyaq Hay-an,qquri iyax ryaxan hidaw tgdaya o,pslutut alang Nsgan Huri Nyusan Karingku,bbaraw bi ka dxgal alang niya,kiya ka bbaraw bi dxgal nniqan siyaw gsilung Nyusan Taytung uri,kana dxgal alang Nsgan Cenkung o,niqan maxal spat kbkuy spat tnxalun pnsrurul,tgspat paru dxgal Nsgan niya mniq kana nniqan Taiwan,qquri nklaan hidaw niqan dgril bi dxgal mtbalay brnux niya,qquri ryaxan o,pslutut dgiyaq Hay-an.kkari alang dha hiya o,smeetug kari bsnawan.yasa niqan gsilung Heychaw ksun ka muda gsilung Taypinyang msa,kika lala balay ka nnangal dha qnpah quri tmqsurux,kiya ka paru balay brigan ana manu qsurux mniq siyaw gsilung Hwatung Hay-an uri,yaasa tmqsurux bi ka qpahun dha,alang Nsgan Cenkung o,kika tgkingal paru bi alang mniq Nyusan Taytung,yasa malu balay ka nniqan alang niya ni kika pusu ddaun elug tgkingal mniq Nyusan Taytung.

Endaan

Hangan alang Nsgan Cenkung sbiyaw o,「Marawru」ksun dha,bukuy sida do,「Singkang」ksun dha ni babaw nhdu tmjiyal do,brihan dha「Cen-kung」ka hangan alang niya da,kika paru bi sngayan asug tmqsurux mniq nklaan dxgal Taiwan.mquri saw hangan Marawru siida ka alang o,ini dha klayi ka pusu nyahan hangan alang ni lala balay ka kari dha uri,bitaq bi dhuq ka nhdaan klwaan Chinchaw do,ida nniqan seejiq bsnawan msupu smmalu sapah ni qmpah hini da,bitaq bi klwaan sayang Minkwu mtrul spat hnkawas hana bi bukuy nhdu tmjiyal siida,yasa hangan Singkang ksun o,niqan tru mdka hangan mniq kana alang Nsgan klwaan Taiwan ni iyux dha aji ppeydang hangan kika pryuhi hangan msa ni muda pprngaw kari ka drudan ni thulang kmlawa,msdka bi saw Anpingkang ka alang dxgal niya ni pstutuy tmqsurux o,pnaah quri tgdaya Chenkwangaw,kiya ni Chenkung,Chenkwang,Singkang tru hangan nii o,mdka pshnang kari Klmukan ni kika pthangan dha nsgan Chen-kung bitaq sayang.

Pnegdxgal

Yaasa mgglug ka mktasil truma dxgal ni,kika dxgal nniqan alang Chen-kung o,niqan dxgal msrijil ni btunux gsiyaw gsilung ni lala baaly knlgan.mquri tghunat ni mquri tgdaya o,bbaraw balay,quri nklaan siyaw bi paru gsilung Taypingyang,mquri ryaxan o,lala balay spriq ni qhuni bbuyu pslutut dgiyaq Hay-an,dgiyaq niya o,mquri nklaan hidaw msdowras hrus,kana dxgal niya o, lala ka dgiyaq rnaaw tadus dxgal.hghaw bi ka dxgal mtbalay brnux niya,wana dxgal alang Chen-kung nanaq ka paru hari,kika tgtru paru dxgal dangdang endaan smmalu gsilung tgkingal.dgiyaq rnaaw dadus gsiyaw Cenkung o, dgiyaq rnaaw dadus NaSikang kana kiya,pusu bi dgiyaq niya o,niqan dgiyaq Paysurian,dgiyaq Singkang,dgiyaq Chiring,tgparu bi tgkahaw dgiyaq o,dgiyaq Singkang(knkahaw spgan maxal mataru kbkuy maspat knsxalan dha tnxalun)kika tgkahaw balay dgiyaq Hay-an da,mniq alang paru nklaan hidaw siyaw gsilung Taiwan o,mquri saw kndxgal niya,tduwa psnakan dha klgan,niqan dxgal siyaw gsilung ni dgiyaq rnaaw dadus:

·        dxgal siyaw gsilung,niqan dxgal mtqiri rqiyan gsilung,iyax mtapaq tasil rbqan gsilung,bnaqil gtuwan gsilung,dowras gsilung ni niqan dxgal dangdang gsilung,niqan mdka saw hnigan pratu,dinbowri,liwas qtaan ka rbqan gsilung Husyi ksun dha,paru btunux mdka rudu walu qtaan btunux Sanhu ksun dha,mktasil gsilung uri,ana manu ka qtaan ta kndxgal na hiya.kska mniq paru alang na hiya o,niqan paru bi hangan na suyang bi qtaan ka Sansyintay ni Siyisan ksun.

·        dgiyaq rnaaw dadus,kndxgal dgiyaq Hay-an ni tudu dgiyaq niya kahaw balay ni mkray balay ka ddgiyaq Tu-rwan,mquri nklaan o,niqan lala bi mktasil ni qahowr btunux mtlmu Hwu-san-yin ksun ka gntuwan dxgal Takangku,kika dgiyaq rnaaw dadus ni tmabuy hari.

Iyax sgbihur karat Nsgan Chenkung o,mtalux balay ni sqyuxan bi uri,lala bi ka ayug niya ni llbu mtbiyax qluli ka qsiya ayug niya,aji niqan kjjiyax ka qsiya niya uri,paah quri ryaxan dgiyaq Hay-an tmabuy mquri nklaan hidaw qluli wada mtmay kska gsilung Taypingyang.iyax kingal hnkawas ka qnyuxan na o,niqan empusal kingal kbkuy spgan Kungri tutuh psaan qsiya, iyax kingal hnkawas ka kntlxan karat niya o,niqan empusal tru knegakan baraw mspat ka kntlxan niya.pusu pnehuma dha o,niqan mikang ni dnguwan rhiq qsurux.

Pnspuan seejiq

niqan kingal kbkiyan mtrul mataru kbkuy ka pnspuan seejiq mniq alang Nsgan Chenkung,tgtru spgan knlala seejiq niya mniq qlhangan klwaan Nyusan Taytung,tgkingal spgan o,alang paru Taytungsi,tgdha spgan o,alang Nsgan Pyuma.pnspuan seejiq na tkyuxan spgan wana mangari knsxalan rima seejiq ka kingal tnxalun pnsrurul,kana Nsgan alang mniq kska kana Taiwan o, pnspuan seejiq niya tkyuxan spgan gaga bukuy balay tgtru spgan,mkala cicih Nsgan Huring ni Iri Nyusan Karingku.

Alang nniqan

Brah maxal mangari kbkuy empusal hnkawas siida ka alang Chenkwangaw o, bnkgan qpahan alang mrata,bukuy na siida do, bnkgan qpahan alang euda dnuuy ni mstbrih musa quri Singkang,yasa alang bilaq hari ka Chenkwangaw kika ksun dha Syawkang.

·        Chenkwangaw: niqan malu bi sngayan asug ka kndxgal msrijil mtqiri Chenkwangaw,sbiyaw o,kika pusu bi sngayan asug Karingku ni Pyuma,mniq kska alang seejiq bsnawan ni alang seejiq Pingpu,kika niqan malu bi brigan ksun dha siida,asi tnpusu tmgamil hini ka klmukan snbari qnqaya,siida o ,kika pusu baiay nniqan sapah klmukan,muuda mglug dgiyaq ni smraki mrimu seejiq dgiyaq siida do,kika pusu balay nniqan hangan Chenkwangaw miniq kska ciparu alang Hwatungcungku, niqan balay psbrigan euda dnuuy ni dnayaw euda mrata ni bnkgan qpahan alang,maxal maspat kbkuy maspat knsxalan mangari hnkawas phiyug paru Nsgan bnkgan qpahan alang ,ida Chenkwangaw ka pnspuwan psliyan dha.babaw klwaan Nihung bukuy na siida do,mniq bnkgan qpahan alang siida pphiyu kana Chu-Cang-swu,Nsgan Ci-ting lala knlgan ka hangan kmlawa alang,pusu bi qmlahang kana alang o,ida Chenkwangaw ka dmudul,bitaq maxal mangari kbkuy empusal kingal hnkawas do,kika pririh paru Nsgan Singkang ka kmlawa da, dhuq maxal mangari kbkuy mtrul kingal hnkawas do,srsan na ka hangan paru Nsgan Chenkwangaw ni bitaq hini ka nhdaan niya uri da.quri saw qqpah dnuuy o,paah bi iyax maxal mangari kbkuy maxal dha hnkawas ni bitaq maxal mangari kbkuy maxal mangari hnkawas,pllama phiyu Taytung-sin-chan-cu-hu ni Kwang-syang-chan-yi-hu-ci-hwi-si ni Taiwan-cinaw-cusi-chu-chang-swu, knlgan ka klwaan,kika endaan qqpah dnuuy Chenkwangaw siida.

·        Singkang:prrajing pstutuy mggarang ka alang Nsgan Singkang o, pnaah brah maxal mangari kbkuy empusal hnkawas bitaq bukuy na siida kika pusu niya balay,brah na prajing niqan paru asug ppaan rduwan ni niqan malu balay paru elug tdwa dhuq Taytungsi,maxal mangari kbkuy empusal kingal hnkawas phiyu paru Nsgan Singkang,paah maxal mangari kbkuy empusal dha hnkawas siida pslutut smmalu ayug uuda qsiya paru elug ni smmalu uuda qsiya djiyung,psramal uuda smmalu paru elug,smmalu nniqan sapah paru Nsgan Singkang,mowsa saw mggarang paru alang ka qpahun siida,kiya da o,kika pusu balay bnkgan qpahan alang ni qqpah ssbarig ka paru alang Nsgan Singkang.bukuy na siida do,sngayan asug tmqsurux Chenkung mhdu smmalu ni ini biyaw mggarang mdakil ka alang paru Nsgan Singkang,lala balay phiyu sapah brrigan ni pnhmaan ni qqsurux.bukuy nhdaan tmjiyal siida ka paru alang Nsgan Singkang,paah maxal mangari kbkuy empusal dha hnkawas smmalu paru alang,bitaq elug paru ni pslutut dhuq alang Marawru,kika pusu sbrigan qnqaya ni jjiyun,pbkug ssiyaw elug kska paru alang niya,elug paru Chung-hwa ka pusu balay niqan pskuwan pila ni sapah bbrigan, mstrung sida elug paru Chenkung mswayay nniqan ppaan tdruy Basi,yaasa saw kiya ka pusu stmaan uuda ppaan tdruy.elug paru Chung-san ni Ta-thung o,lala balay sapah tqiyan ni uuqun ddamat gsilung,kiya ka pusu uuda dha pqqita alang ni bbrigan qnqaya ni nhmaan.

Alang gsiyaw Chenkung

Alang gsiyaw Chenkung o,niqan alang Nsgan Changping ni Nsgan Chenkung ni Nsgan Tunghu nyusan Taytung,kana alang nii o,mtqiri pusu alang paru Nsgan Singkang ni alang Nsgan Chenkung,alang paru Nsgan Singkang kika ssaun dha snbari ana manu qnqaya jjiyun,ida pusu bi saun seejiq tgtru alang Nsgan,yaasa phiyu ana manu sapah qqpah ssbarig ni sapah qqpah dnuuy ni sapah qqpah dxgal,lala balay saw euda dnuuy,niqan phyugan paru bi sapah spuhan Chenkung ddulan sapah spuhan Taytung klwaan thowlang baraw Taiwan uri,kana kndsan uuda seejiq o, tgdha spgan knparu alang niya mniq alang paru Nyusan Taytung.

Bnkgan qpahan alang

Maxal mangri kbkuy spatul mataru hnkawas siida do,bnkgan qpahan alang ptngahan niya alang Nsgan Singkang alang paru Nsgan Singkang Nyusan Taytung,mniq alang hiya siida o,wana kingal balay alang paru Nsgan Taytung ka bnkgan qpahan alang,alang Nsgan Kwan-san ni alang Nsgan Singkang o,alang cibilaq Nsgan bnkgan qpahan alang,siida o,ini psdka ni ini pggaluk ka uuda kndsan,kika nniqan alang ciparu Nsgan phiyu sapah klwaan ka priyux hangan alang Nsgan,yaasa hangan Singkang o,niqan mdka hangan gaga mniq Nyusan Cang-hwa ni Nyusan Cya-yi alang Singkang ksun uri,kiya da o,prixun dha ka hangan Nsgan Singkang ni ngalun dha ptngahan alang Nsgan Chenkung da.

·        Alang Pow-ay,alang Cun-syaw,alang San-seyn,alang San-min,alang Cun-ce,alang Cun-jen,alang Hu-ping,alang Sin-yi,supu kana niqan maspat alang ni maxal maspat kbkuy mataru qburuh.

[[Snakun:Truku]]