Nsgan Cing-hung

nsgan Cing-hung（kari Pay-wang o Kinzang）ga mniq iyax tghunat ryaxan hidaw nyusan Tay-tung Taywang, rima ka alang nsgan Seejiq Tnpusu nyusan Tay-tung o, hiya ka kingal uri, mgtgut tgdaya alang nsgan Pyu-ma, mgtgut nklaan hidaw alang nsgan Tay-ma-ri, mgtgut ryaxan hidaw nsgan U-tay, Ma-cya, Tay-wu ni Ray-i nyusan Pin-tung, mtlutut tghunat nsgan Ta-jin. Nsgan nii o ga mniq tghunat bi dgiyaq paru Tay-wang, kmguaw myama kana ka dxgal niya, saw drdowras ni ini kslagu ka hnyigan dxgal na, yaasa ga mniq babaw gsilung 3096 tnxalun ka paru yama Peytawusan do, ini pkrana ana manu kndsan seejiq dni, mquri smka narat ni alang nsgan Tay-ma-ri mrana ka ana manu uuda dha. Karat niya o mquri mtalux ni sbhuran bgihur, sun ka ini pndka knpraan na ka yyyama

do, ini pndka ka karat na uri da. Pusu klgan seejiq alang nsgan hini o Paywang, pusu bi ngngalun dha o qqpah dxgal, pnkari kari Pay-wang ka pusu balay.

endaan

nsgan Cing-hung hini o kmguaw Seejiq Tnpusu Pay-wang kana, ida bi maxal empitu kbkuy mrimal hngkawas siida, pnaah alang nsgan Ray-i, Cun-je, U-tay ni Tay-wu nyusan Pin-tung, miyah thjil hini, yaasa saw nii do, seejiq ̔ Pay-wang nklaan hidaw ksun dha tmngahan ka kndsan dha da.

1950 hngkawas siida, niqan duri ka klgan seejiq Ru-kay pnaah alang nsgan U-tay nyusan Pin-tung, miyah thjil alang bilaq Cya-ran ni Ri-cyu nsgan Cing-hung, ddhiya nii o seejiq Ru-kay ryaxan hidaw ksun dha pseanak, balay ini bi pndka kndsan dseejiq Rukay nklaan hidaw alang Ta-nan nyusan Tay-tung ka dhiya nii.

Klwaan Ni-hung siida, alang hini o ngalan dxgal seejiq mkbuyu pnklwaan Qpahan Tay-tungt-ing Tay-tung-cwin（Dxgal seejiq mkbuyu Tay-tung-cwin nii o, tai quri tgdaya kika dxgal duma na nsgan Pyu-ma sayang, quri tghunat smka do kika alang nsgan Tajin sayang da）, siida ka mqeepah Tay-tung-cwin-syu

ni knsat o, asi skgul knsat musa kngkingal alang Seejiq Tnpusu. Babaw mhdu tmjiyal ka babaw dxgal do, duma ka alang hini o psepuan nsgan Tay-ma-ri, bukuy na 1946 hngkawas 4 idas siida, phyugan ̔ nsgan Cing-rwen ̕ , bnkgan qpahan nsgan o pniqan alang Cing-rwen nsgan Tay-ma-ri sayang, kmlawa alang Cing-rwen, Towr-yang, Ri-cyu, Cing-hwang ni Ping-maw rima alang, alang nii o nyusan Tay-tung kana ka nii. Ida ki 1946 hngkawas 11 idas siida do, ngalan alang mkdgiyaq paah thowlang baraw ka alang nii da, pxalan pkeayus duri ka bnkgan qpahan alang ka alang nii ni alang nsgan Tay-ma-ri, tai ka alang  Cya-ran, Cyey-ta ni Pi-ru ida nsgan Tay-ma-ri o,pklwaan  nsgan Cing-rwen ka kiya, tai ka alang  Cing-rwen ni Tow-ryang o, pklwaan nsgan Tay-ma-ri kida, manu kika pryuxan duri ka hangan niya ̔ nsgan Cing-san ̕ da ksun. Paah 1945 bitaq 1955 hngkawas siida, iiyux pkmalu ni pkrana kndsan dSeejiq Tnpusu ka thowlang Taywang do, hjilun na ka seejiq ga mniq ska bi dgiyaq ka alang Pi-ru, Cyey-ta, Cing-hwang ni Ping-maw, miyah thjil alang ga dha niqan sayang, duri ni pryuxan dha ka hangan alang bilaq Cing-hwang, Sing-sing da ksun tmngahan, tai ka alang bilaq Pi-ru ni Cyeyt-a o psepuun da ni pryuxan Cyey-pi ka hangan na da, bukuy duri o pryuxan Cen-sing duri ka Hangan alang nii. Yaasa hangan

nsgan nii Cing-san ksun o mdka bi hangan  nsgan Cing-san alang paru Tay-pey siida do,

1958 hngkawas 4 idas 1 jiyax siida, paah kari ka thowlang Tay-wang Ming-centing, pryuxi ka hangan alang nsgan nii dni, ̔Cing-hung ̕ da ksun, ida ki hngkawas 9 idas 1 jiyax siida, wada asi ksi haya pryuxi ̔Cing-hung ̕  ka hangan alang nsgan nii da, pusu bnkgan qpahan alang nsgan o pniqan alang

bilaq Cya-ran, ida bitaq sayang.

Sayang ka pusu nniqan ana manu qpahan bnkgan qpahan alang nsgan o ga pniqan alang bilaq Cya-ran kana, saw ka bnkgan qpahan alang nsgan, sapah knsat, qpahan sapah o ga mniq alang Cya-ran kana, tai ka mqlahang qbubur seejiq ka sapah spuhan o, yaasa wada sliqan paru bgihur Hay-tang ni wada asi pani paru yayung Tay-ma-ri da, sayang do ga hjilun alang bilaq Ping-maw da.

pkeayus bnkgan qpahan alang

nsgan hini o niqan rima alang ni mtrul mataru ka qpuruh, saan pskiya seejiq ka alang Cen-sing ni Ping-maw o ga mniq nsgan Tay-ma-ri, duri ni alang Cya-rwen（Tay-ma-ri Cing-cen-san）ida pklwaan alang nsgan Tay-ma-ri.

Alang Sing-sing：1953 hngkawas siida, pnaah alang Cing-hwang, miyah thjil hini ni pryuxan Sing-sing ka hangna na da.

Alang  Cen-sing：1953 bitaq 1956 hngkawas siida, nealang Cyey-ta ni alang Pi-ru (Pau-mu-ri),alang Ru-bi(Viljaljau),alang Ka-ri ka-ri( Duliduli), alang(Djunguzul) ni alang Cyey-ta (Kaladjalan) o, 1961 hngkawas siida do, psepuan makingal alang Cyey-pi da, 1973 hngkawas siida, pryuxan Cen-sing duri ka hangan alang

bilaq nii.

Alang Cya-ran：1947 bitaq 1949 hngkawas siida, nealang Cya-ran ka alang Ma-le-tep,Ba-ji-yo-ro ni alang Ma-le-vul o, psepuan alang Cya-ran （Kaaluwan）kana da, nniqan pusu qpahan euda qmpah nsgan nii ka hiini.

Alang Ping-maw：1950 hngkawas siida, nealang Ping-maw ka alang Djumulj ni Tjukuvulj-inaval o yahan pthjil hini da.

alang Ri-cyu：alang nii ga pspuan hiya ka alang Ri-cyu（Rudrakes） uri.

eleelug

Elug nklaan hidaw 64：Taymari---Cyaran---ulay Cinghung

Elug nklaan hidaw 66：Cingrwen---ulay Cingrwen---Ricyu

ttgsa

ptasan tgska

Kska alang nii o ini phyugi ptasan tgska, tai ka saan ppatas laqi ka alang Cya-ran, Sing-sing ni Cen-sing o, musa matas Ta-wang ptasan tgska ga mniq alang Ta-wang nsgan Tay-ma-ri, tai ka

saan ppatas laqi ka alang Ri-cyu ni Ping-maw o, musa matas Ping-maw patsan tgska ga mniq alang Cing-rwen nsgan Tay-ma-ri.

ptasan tgbilaq

Ptasan tgbilaq Cya-ran nsgan Cing-hung nyusan Tay-tung

Ptasan tgbilaq Cyey-ta nsgan Cing-hung nyusan Tay-tung

Ptasan tgbilaq Sing-sing nsgan Cing-hung nyusan Tay-tung

Ptasan tgbilaq Ping-maw nsgan Cing-hung nyusan Tay-tung

qmpringan mtgsa

Qmpringan mtgsa alang nsgan Cinghung nyusan Tay-tung

saan rmigaw

Ulay Cing-hung：Ulay Cing-hung o ga mniq ryaxan hidaw elug paru Nan-hwey kska alang Cya-ran hiya, tru ka pusu ulay nii, msdhiyaq bu kana, tai ka qsiya niya o mtasaw balay,tduwa trmaan ni mahan ka qsiya na. Tgkingal pusu ulay o hlayan Cung-yu Kung-se miyah

qmqur miying gasuring siida, paah bnaqig yayung sriyu ka qsiya niya, aji paru ka pyahan qsiya na o, ida dhuq pungu ka qnrbqan na, mtasaw bi qsiay niya, tduwa trmaan ni mahan, kntlxan na o 35 knegakan baraw, ida sriyu paah bnaqig yayung, ini biyaw bungan yayung duri. Tgdha ka pusu ulay nii o, ga mniq iyax tghunat ryaxan hidaw alang Cya-ran, 10kb tnxalun hiya ka ulay nii, knmalu qsiya niay o ida mdka tgkingal ulay.

Tgtru ulay o pthangun dha ulay Pi-ru, ga mniq siyaw yayung iyax tgdaya nklaan hidaw alang Tay-ma-ri hiya, mksa ta o ida bi 4 bitaq 5 iyax tuki hana ta dhqan. Tai ka qsiya na o mtlawa balay, bitaq msiyayung ka knlala qsiya niya, aji hmut kntlxan uri, bitaq dhuq

70 knegakan baraw, ini bi pndka dha ulay pnlealay. Yaasa nniqan ulay Cing-hung sdhiyaq bi paah alang bilaq do, ungat hari ka seejiq musa tima hiya, ini hari jii uri da. Kiya ni kmusa hiya ka ana ima seejiq o, asi ka plealay muda ppatas hangan han, kika tduwa mtmay musa ska dgiyaq nii da.

Ulay Pi-ru

Ulay Tu-hwey-ru

Sapah snalu ttasil Cen-cya Cya-ran

Bling hngak matlax qnquran

Alang Sa-pu-yu

Alang Sapah Cen-sing

eangal pnhmaan

phpah rwowsen

phpah cingcen

ucya

masu

apu

usik qapal

pgu

[[Snakun:Truku]]