Nsgan U-hung

Nsgan U-hung (kari embgala o Tatoba; kari Sarsya o Tatoba sun) o Kingal nsgan seejiq tnpusu kska nyusan Singcu Taywang. Nniqan na o tgtruma nyusan Singcu. Hghaw bi knhbragan hiyi kska nyusan Singcu ka. Mtdka dha nsgan Cyeynsu tgaaw saw nsgan seejiq tnpusu. Pusu bi mnniq hini o seejiq embgala ni seejiq Saysya. Gmaxan cicih Ngayngay ni Ipaw da. Smdalih nsgan Ceynsu ka nklaan hidaw. Tgtruma do mggtgut dha nsgan Tay-an nyusan Miyawri kida. Ryaxan hidaw do nii siyaw na ka nsgan Nancwang nyusan Miyawri. Tgdaya ni tgdaya ryaxan hidaw do msdalih dha nsgan Peypu, nsgan Cutung ni nsgan Hnsan kida.

Pnegdxgal

Brah na ka nsgan nii o kika sun tgtruma ryaxan hidaw Dxgal Seejiq Tnpusu Taywang ni kangki hyaan o nsgan Cutung nyusan Singcu Taywang Klwaan Nihung. Bukuy tnegjyalan do kika wada ryuxun nsgan Uhung nyusan Singcu da. Nsgan nii o gaga mniq tgtruna ryaxan hidaw nyusan Singcu. Kska hini o hmut mteapa ququy ddgiyaq hmrinas 2000~ 3000M. Hangan elealang na o Ta-ay, Tawsan, Hwawey, ni Culin spat alang.

Hangan「Uhung」nii o yaasun nii kska hini ka dgiyaq Uc (dgiyaq Uhung)(1062M）ni asi si tmhngahan da.

Elug yayung

Elug yayung nsgan Uhung o paah baraw bitaq truma pusu na balay gaa kika sun yayung Pakan, yayung Syakusi, yayung Mayparay, yayung Sanpin ni yayung Hwayeyn. Dhuq bi nsgan Cutung do mseupu yayung Towceyn dni asi rmux gsilung smudal trilan Singcu.

Yyyayung saw ka ida bi emphhur btunux ni dxgal

2014 hngkawas pnegklaan patas ida bi emphuhur btunux ni dxgal ka yyyayung o niqan maxal rima.

Alang Tawsan: rima

Alang Ta-i: rima

Alang Culin: kingal

Alang Hwayeyn: rima

Endaan kndsan ni pyahan ida nkiya

Ulay Cincyeyn

Kska alang hini o 「Ulay Cincyeyn」, smudal hangan na o 「Ulay Jinsang」. Klwaan Nihung siida, niqan bi ngahan na. Tacen 3 hngkawas(maxal mngari kbkuy maxal spat hngkawas) phiyug kingal sapah ulay kklawa hiyi. Ulay Pjitan sun tmngahan Bgala. Kika ulay lhngaw msa.

Hini uri o kika sun tgkingal nniqan plealay bi hnmkan Thulang epdudul mrata nklaan hidaw tgdaya Cansieyrian. Hiya o enlaxan Klwaan Kuowmin Thulang Paru Cyanceysu Taywang hini siida.

Dha hngkawas muda pxal ka Smapuh Ay-ring seejiq tnpusu Saysya o kska nsgan Uhung hini uri. Hbaraw bi ka sdseejiq mtneuda paah klwaan ta ni isil klwaan miyah mtmay alang hini.

Smudal sapah ttmayan tthulang knsat Jinsan

Tacen dha hngkawas (maxal mngari kbkuy maxal tru hngkawas) mtgjiyal siida ka Siyakurow, thulang kensat Pu Jinsankowtayrang mtlibu smalu nniqan hini. Tacen spat hngkawas (maxal mngari kbkuy maxal rima hngkawas) mataru idas maxal rima jiyax siida, nniqan nii asi duuy Jinsankowtayrang si ha tmngahan ka nniqan snkgulan da. Phiyug nniqan snkgulan ni kika sun 「シヤカロ－geayus hmtran」qpahan kensat. Tacen maxalkingal hngkawas empitu idas empusal spat jiyax siida, wada pryuxun grkaan knsat Jinsan da. Tacen maxal kingal hngkawas (maxal mngari kbkuy empusal dha hngkawas) spat idas kingal jiyax siida, wada pryuxun ttmayan thulang knsat Jinsan duri. Niqan kingal thulang emplawa ka hini. Mqhdu ka tngjyalan do Snkgulan Knsat Cinceyn da.

Elug Syakurow o smudal elug Suru duri. Paah Jinsan (sayang do Cinceyn nsgan Uhung nyusan Singcu) bitaq Kownsi(sayang do alang siyuran nsgan Ceynsu). Paah Towsan wada msibiq kingal bgurah elug ni mkbaang tgbaraw sneegul yayung Siyarkurow bitaq Siyakurow Tasan. Tacen maxal kingal hngkawas (maxal mngari kbkuy empusal dha hngkawas ) tru idas siida do qhduan smalu da.

Ayus kklawa

Alang Ta-ay, pusu tgska qpahan uuda nkana nsgan U-hung

Alang Hwa-yeyn

Alang Cu-lin

Alang Taw-san

Elug hqulan

Elug nyusan tg122: Nsgan Cutung –nsgan Uhung – Gntuan dxgal nsgan Uhung

Tdruy bahu Cingcu

【5628】 Cutung – Siyakownkwan -Uhung

【5629】Uhung -- Cinceyn

【5630】Cutung – Siyakownkwan – Uhung -- Cinceyn

Quri ttgsa

ptasan tgska

Tgska tgtruma laqi ptasan Uhung nyusan Singcu

ptasan tgbilaq

Tgbilaq laqi ptasan U-hung nsgan Uhung nyusan Singcu

Tgbilaq laqi ptasan Huwa-yeyn nsgan Uhung nyusan Singcu

Tgbilaq laqi sbiq ptasan Huwa-yeyn nsgan Uhung nyusan Singcu

Tgbilaq laqi ptasan Taw-san nsgan Uhung nyusan Singcu

Rgagan qmita

Saan rmingaw klwaan Sieypa

Hrpasan rnaaw Kwuan-u

Tglaq Iinsu

Spuhan Pasta-ay seejiq Saysiya

Qmpahan kkbiyax hiyi Payran

Tglaq Pasieyn

Qqtaan ida nkiya Cinceyn (Nniqan thulang mrata sbiyaw Can seylyan, sapah spi Sanmaw )

Qmpahan kkbiyax hiyi Sieypa

Qmpahan kkbiyax hiyi alang Hu-ping

Tglaq Kuyeyn

Ksaan Kuyeyn