Ocya dgiyaq baraw （高山茶）

Gaga qlangan dpungpung dgiyaq Gokang ni tbiyun ka Jnaysyang, kiya ni pnegalang dha Ocya mskuy baraw ga niqan bi hangan niya. Pnhmaan hmrunas haypa 1200m ka Ocya, gaga tqrian bbuyu ka kikiy na, ida spaan rulung kana ka kngkwasan, jiyan ni keeman o ida ini bi ktna ka knskuy karac. Baka balay ka qqsiya karac, egu balay ka yowcic ruwan dxgal, kiya ni smkila bi llingay hini ka “Ocya dgiyaq baraw” ksun.

Pnhmaan Ocya ddgiyaq baraw（種植在高山上的茶）

Mnhuma Ocya ddgiyaq baraw Jnaysyang o gaga Nanfungcun, cunyangcun, cingingcun, Todacun, Hecwocun, Fasyangcun, Risingcun,cweyhwacun dnii cun. Manu ka mhuma sejiqun o sugan dha rima hmaan ocya, saw ka Hwakang Cweyrwancyu, Tayuring Piryucyu, Hehwansan Cweyfungcyu, CingcingTatungcyu, Rusan Ciraysancyu dnii, drima hnmaan ocya nii ga ida gaga haypa 1000m kana wah.

Ma ksun ocya ddgiyaq baraw Taywan ka hangan na hug? Pnegalang Jnaysyang “ocya” o ksun ocya ddgiyaq baraw Taywan, yasa hnmaan haypa 1000m kana ka ocya na, kiya ka bqanan ocya ddgiyaq baraw Taywan ka hangan na. Ini qbsiyaq hdagan hidaw, mskuy hngkwasan, thuway kndkilan na kika kndux ka wasaw na. Ida mrdax ni malu bi ka lhang rnbgan mtalux qqsiya ocya, mhun o bsiyaq hari nniqan na quwaq ni brinah sknxal ka knux na. kiya ni ksun dha ocya balay bi “Ocya bukung dgiyaq baraw Taywan” ka hangan na da.

Qtai ta manu msa ka empsruway ocya hug? Mimah ocya siida, tgkingal o plealay smluhay qmita hnyigan ocya, qmita ni klaun qmita pniyah inu ka ocya nii. Qtaan saw rbgan mtalux qsiya do pshuya knhuway trawah ka kngkingalwasaw. Balay bi ocya dgiyaq baraw o msama biqtaan, nasi saw msaas ni mkafey qtaan o mrudan ni mnhru truma kari weytu, uxay uri o pnhmaan dxgal breenux. Saw nii ka qnita empsruway ocya dgiyaq baraw.

Pnyahan pnataas（資料來源）

詹素娥 Lituk Teymu