Pala pniri

Pala pniri （經挑編織：衣飾）

Ini pntena hari kari na tninun nii, mneyah Tgdaya de Pala Puniri si, mneyah Truku de Pala ksukus, kari Toda de Pala qnapang mesa ka dheya, anu kndalax so ucuicin qntaan daha so dngus snalu rudan daha, kiya ini hari pntena tnngayan daha. Ani si klaun daha ka kari asi kesa pniri ka kana.

Pala pniri nii de ririh so tgparu tninun ka kesun pala pniri nii. Tgberah ma tg bukuy na ini pntena ka rako na duri. naqah hari tunun, egu bale ka kusuc na berah duri, kiya so sntunux hari meepah tminun nii. Ani si malu bale qtaan ka tnnunan na, anu egu bale doriq prparu ma dorip bcbiciq qnapang nahiya, malu bale qtaan.

Ini pntena hari kari na tninun nii, mneyah Tgdaya de Pala Puniri si, mneyah Truku de Pala ksukus, kari Toda de Pala qnapang mesa ka dheya. Malux so kiya ka kari daha, klaun mude anu kari rudan Tgdaya de qlaun daha, daun daha pqiri mknedux ka bnaruy daha ka ware bgurah nii, kiya saadux ka ware de malu daan miri ma malu qtaan meyah baro ka tniri na denu mesa. Kari na rudan Truku de Pala ksukus sika dheya, anu egu bale kusuc berah ka tminun Pala ksukus nii, egu ksukus de dugus na de naqah hari tunun ma, maha egu naq ka rako na duri, ki kesun Pala ksukus. Kari rudan Toda de Pala qnapang mesa ka dheya, anu egu riyung ka qnapang na doriq mesa, doriq paru ma doriq biciq, ga tunun hini kana mesa. Kiya ka klaun ta kndalax so ucuicin qntaan daha so dngus snalu rudan daha ka tmngayan pala nii. So egu klegan ka dungus lnengo daha.

Pala pniri nii malu bale qtaan ka snalu na lukus. Duma seediq de asi daha slumei daha pala pungu ma hbikun daha ma, mlukus kingal lukus baro de malu duri. duma naq de slmeun daha lukus baro ma, tminun kingal skato Dungan de malu duri qtaan.

Duma seediq duri mangal pala pniri nii smalu ptgic daha duri. ado so kuhur daha de plukus kiya duri.

Pnyahan pnatas（參考資料）

伊婉貝林、鄭光博2014<文化部文化資產局「賽德克族傳統織布工藝與Puniri編織技法文化資產調查」報告書>，未出版。