Patas paadas tama ni bubu.

Tama ni bubu. Smwayay ku munan bitaq sayang o wada tru idas da. Ini ta kla han, yasa mtbiyax ku matas ni ini ku dhuq paadas patas munan da. Lmnglung ku bi munan, embiyax(embrax) ka qbubur namu hug? Nii ku embiyax(embrax) balay, iya slhbun. Nii ku mtaqi tqiyan pyasan, spac/t nami hiyi ka mseupu kingal tqiyan. Tru laqi Kmukan(Taywan), kndadax hunac brnux, wana yaku ka Seejiq tndxgal Taywan. smkuxul balay knan ka dhiyaan uri. Alang paru Taypey hini o egu/lala balay rulu/tdruy, kiya ni uxay/aji malu ka hngak hini ni smtunux balay uri, mskman mtaqi ka seejiq hini, lmnglung ku alang ta hiya o rmabaang balay malu. Thici balay, brahaw maku balay, rngagi ku haya ka tama rudan/baki ni bubu rudan/payi ni kana mnswayi, embiyax/embrax namu kana hug? Ksii haya, tama, bubu! Mqlahang ku nanaq hini ni empdrumuc/t ku matas, bitaq hini ka pnatas mu da. Kmbiyax/Kmbrax ha!