Pnngalan Kari pnsltudan mbhuway rqnux-Than minjoku(白鹿傳說-邵族)

Musa thiyaq balay umaduk ka pusu balay rdrudan Thau Patamu mi sediq tnualang, uka balay ka nngalan dha. Niqan kingal diyax, madas kingal huling balay ka Patamu, mniq lmiqu smpusal mtqiri,kasi qita kingal uxay balay qntan mbhuway rqnux, Prading tmlibu mhraw ka dhiya,dhuq mhraw beytaq nyusan Nato nsuwan Yucu saya, asi storil cka yayung ka rqnux. (Kiya ka ucilung Swatan saya). So sklwiyun balay pa, uka balay sndalan ka ana manu dapil ccamac. Asi nanaq snul huling musa siyaw yayung mimah qsiya ka dhiya da, asi awah siyaw qaqay ka ou balay qcurux tunanaq qtan, uxay dha balay qneqan ka kluwan hiyi qcurux ni. Ngalun dha ka snipaq dha qcurux, dsun dha siyaw yayung muduh ka qcurux, ini dha qduwi mkan ka qcurux daw duhun dha sdnguwan mi ngalun dha "Uqun sndnguwan". Dhuq alang da u, ida ini chungi knmalu balay nniqan hiya ka Patamu, kiya daw mdhu bay lnglungan na madas tnsapah thdil alang, kiya mi kbkuy hiyi sediq ka smnul hiya, klelu muru elu pnskraya na brah smdiyal alang nniqan ni. Kiya u "Patamu" ka wada mwaya balay nngalan kari Thau,mniq trahuc beyhing bay qhuni banah ka hiya,psliyun na kana ka sediq alang mquri utux qhuni psdhu: Snpeyyah saya daw, ana mblayaq mi qrinuc, uxay balay thdil dxral hini ana dhuq knuwan, mhiyi kingal wasaw ka qhuni banah pa,qulung balay mrana taxa hiyi ka sediq Thau.

Pnyahan pnatas(參考資料)

來源: 原住民委員會
邵族-白鹿傳說
https://www.cip.gov.tw/zh-tw/index.html
翻譯老師: Watan Diro / 編輯手: Robaw Saku 陳淑微