Pnngalan Kari pnsltudan sinaw macu

Pnngalan Kari pnsltudan sinaw macu - Sediq minjoku (小米酒傳說 - 賽德克族)

Cbiyaw pa, niqan mntxal niqan turu sediq alang musa nganguc, kiya mi mpprngaw kari. Kcka dha u rmngaw ka taxa sediq: “Mimah mnmnu sinaw ka sediq alang namu? ” Kiya daw ppciyuk kari ka dhiya. Niqan kingal sediq alang u rmngaw dmuwi cka iraq miriq smmalu sinaw, niqan ka kingal alang pa dmuwi brisan qmpi sinaw, niqan ka kingal alang dungan u dmuwi macu qmpi sinaw. Rmngaw kana ka dhiya u uda knmalu bay mahan ka qnpiyan dha sinaw, kiya mi psriyux ppimah sinaw iraq miric mi sinaw brisan mi sinaw macu ka dhiya. Kiya da u sinaw macu cida, Wa! Mskluy balay kana ka dhiya, to bay htngayan knux sinaw macu kana ka lmiqu.Rmngaw ka dhiya:“ Uxay ku balay mnimah so ni sinaw, laway bay knmalu knux niya wah! Taway bay knmalu mahan wah!” So kiya, kndadax hiya cida, ini salu sinaw brisan da, ini salu sinaw iraq miric uri da, wana pskingal mpruway smmalu sinaw macu, alaw sinaw macu pa pnoda pnsung mi wada mangal knmalu balay mahan sinaw.

Pnyahan pnatas (參考資料)

• 翻譯老師: Watan Diro 老師 / 編輯手: Robaw Saku 陳淑微