Pnngalan kari pnsltudan pusu pnyahan alang Jimorod

Pnngalan kari pnsltudan pusu pnyahan alang Jimorod(雅美族-紅頭部落的始祖傳說)

Taxa qridin mchdil tuhuy rudan qridin msupu musa siyaw ucilung bubul qsiya, ini klayi ma ida kndudul mkala baraw ka qsiya ucilung, kiya ka prading tbrinah tmalang ka dhiya,wada uxay bay mslxan thdu ka ucilung, uka biyax tmalang uri ka qridin mchdil da, kiya mi tbku qaqay msangay, kiya daw sndiyal kingal bhuway tasil, snpeyyah truma ini pstuq pcriyu babaw qsiya. Hdilun dha siyaw ka tasil, cmahu qsiya psrmal mmosa sapah, binaw qsiya dxral truma u mntna so qsiya tulaq,kari balay qnluluy na, wada bungan qsiya ka dha hiyi qridin nbubul qsiya da. lda wada kndudul mkala baraw ka qsiya ucilung, maku to sqrbuq ucilung kana ka dxral cka ucilung da, wana dudux dwiyaq Mquri hunac mi dwiyaq Hwangnan saya ka pcriyu. Uka pnwalang ka dxral qnpahan, uka ana maun uqun, skkingal uqun uray mhuqil da. Wada spac kngkawas da u, ida ini elih ka qsiya ucilung,wana msngari msdungus ka dwiyaq, tumspac kngkawas cida, criyu ou balay hama rmdax kman mi btunux qrari ka dwiyaq. Tumngari kngkawas cida, niqan kingal diyax sndiyal kingal qolic ka qridin, kiya mi sqada na cka ucilung, dmurun mlih ka qsiya ucilung,kiya mi balay bay wada mlih ka qsiya ucilung da, wada muda mkmaxal kngkawas dungan,kiya ka wada mlih ida nkiya ka qsiya ucilung, msdungus ni pa mkla niqan qsiya mahun ka hunac dwiyaq u, kiya stabuy dwiyaq hunac, cida u wada mmaku qqhuni mi pnwalang qnpahan kana ka dwiyaq da.

Pnyahan pnatas(參考資料)

• 來源: 原住民委員會
• 雅美族-紅頭部落的始祖傳說
• https://www.cip.gov.tw/zh-tw/index.html
• 翻譯老師: Watan Diro 老師 / 編輯手: Robaw Saku 陳淑微