Psaniq

Psaniq o sqraqil kndsan ni sqnaqih utux. Kiya spdakar bi ka nii spatas trumq nii

1. Quri kari：Smuling laqi kuyuh ni mnhuling kari（kari huling ka mnhuling sun）
2. Quri uqun：Tunux, dowriq, pahing, balung, enduk, ngungu, wawa mniq nbuyas, muyak siida psaniq ksun　tmngahan ka wawa embulang o saw wawa qowlit, brihut,rqbux,rapit, qbhni, saw ini hrii ubal niya na
3. Hangan qnqaya：人體生殖器官名稱 Ngahan nkuyuh o‘psaniq’ksun rmngnaw kari Ngahan nsnaw o ‘qnqaya’ksun rmngaw kari
4. Quri hhuqil：Niqan mhuqil ka seejiq siida, kana alang o kinal jiyax ini latat mnbasi ni Uusa mdkrang o lmawa 1 idas.
5. Quri hnqilan seejiq：Mhuqil ka seejiq o jiyax siida skuun ka bqrus na. Mhuqil kaeman o sgrbu bi musa smku. Siida omnbasi ini ekan ini imah
6. Quri tnbgan：
   1. Qmqugu gbiyan ka tama rudux
   2. Mkan mnhuqil hiyi seejiq ka huling
   3. Mnraqil ka babuy, puwaela papak tmbru ni mkan bru na ni mkan rudux
   4. Pnsikan ini niqi bru nbuyas
7. Quri mgdurug：
   1. 3 idas ini tduwa musa dgiyaq ka kana ruwan sapah ni initduwa saan mahu ngangut ka gndrgan. Nii o seiyah bgihur paru
   2. 1 idas ini tduwa musabbuyu kasnaw, seiyah bgihur paru
8. Quri seejiq mnarux：
   1. Niqan mnarux ka seejiq o ini tduwa tmayun . Asi ka madas tahut kika ini prana mnarux msa.
   2. Ini tduwa uqan ka snyusan （snapuh）paru mnarux
9. Quri tmiyu：Tmiyu seejiq o tduwa , ini tduwa cuyuan ka hakaw utux sqriqi tduling baga

pnyahan kari

• 金清山. (2011). Wikipedia 維基百科 族語詞條試寫─原住民族語詞條 2011作品集. 教育部.