Qmlahang ini pktakur mniq sapah

Qmlahang ini pktakur mniq sapah (居家防跌)

Kcka rdrudan hmrinas mturu kmxalan kngkawas pa, mturu hiyi hay, kiya u niqan taxa ka mniq cka kingal kngkawas daw mntakur, babaw mntakur da u, wada bay so ini mnduwa ka hiyi mnarux, wada mqnaqah ka kndusan, luhay bay sntama ka kndusan mi dndulan micu mtakur ka qcahur.

Alaw wada so mowic mtabuy ka biyax hiyi ( biyax qqita doriq, biyax qqbahang, biyax hiyi, tqlahang so uxay ptburuq), ini so mnduwa ka mkksa, so mnenangi mtakur, luhay bay qtan nniqan mtakur, kcka sapah muda tburuq mangal luqah tukingal na bay pa tnqiyan, tudha da u cka dxral sapah, tuturu da hay kiya ka nniqan trman, knpriyux bay ka karac mi mskuy cida hay, mskuy ka bawa mi qaqay, kiya ka tbrqan balay.

Ⅰ. Anjeyng lnglingay nniqan sapah

1. Nniqan trman pa malun cpilan qmlahang sdhriq, spdngu ka dxral sqlahang sdhriq tburuq; malun posa ddiyun bawa ka nniqan trman bawa mi tlngan san nganguc.

2. Ini dayi mutu lnglamu qqiya ka dxral, so mthdiq ksanan ka elu; ltudan deyngki mi wasil deyngki u asi ka tdhun pniq, so ini owda ptdiyal qaqay mtakur.

3. Elu ddan pa asi ka niqan mspac kmxalan cm dhuq mngari kmxalan cm (80-90cm) qnlbangan.

4.Iya smpusal knpriyux mhdil nniqan qqiya sapah, so uxay alaw ini kla nniqan lnglingat sapah muda tsbuc mangal luqah mi skrbuc mtakur.

5.Umau wakac so mndungus tlngan, iya bay so sqcuqi ruma mi so sqcuqi baraw balay uxay daw sqcuqi mhnux bay ka wakac tlngan, kiya mi asi bay ka niqan ddiyun bawa.

6.So knbaka ka rdax pnrdaxan , so trura bay qtan ka rrawah camaw, pniqi posa ka camaw hhiru kman.

7. Pniqi posa qnawal ka siyaw tqiyan mi kacideynto, so ddiyun hmiru qtan meysa pkudus mi snturung mtbiyax cida.

ǁ. Mnduwa bay muda undo

1.Mlu muda, kana hiyi urac tumal undo, mray so quri mkksa, thuway tmalang, tmapaq qsiya, mriq ddeyngsya.

2. Asi balay ka hmrisa mnturu muda undo ka kingal iyax diyax sngayan, mntxal hay asi ka hmrinas mtutul pungkang.

3.Tqlahang pkmuxul hiyi, so uxay ptkray pungu qaqay, uka biyax, malu muda undo knkal urac mi hiyi.

4. Kcka kungreyng undo pa asi ka niqan kungreyng biyax urac hiyi mi tqlahang so uxay ptburuq.

Pnyahan pnatas(參考資料)

來源:https://www.mohw.gov.tw/cp-4635-51615-1.html衛生福利部

https://about.care724.com/blog/9778/prevent-fall-down-12tips/care 724

編輯老師: Watan Diro/編輯手: Robaw Harung