Quri gaya mdkrang 喪禮規則

Gaya quri mdkrang(mangal tunux pais) pusu balay o stndahu ka nii.

Pusu seusa mdkrang 出草的原因 smmalu patas

Pusu seusa mdkrang o (1)smiyuk pkpeysan rudan, kiya ka hnici kari rudan ni asi ka daan,(2)kksnaw balay, kiya o tteumal qmpringan dmbbrax ni pptasan pnglux dsnaw nii,(3).pnrungan kari, kiyao paah snhangan taxa saw nii, (4).msneiying bais stmaaun,(5) lmiwaq mnarux meeru aji ksbaan tnukuy aangal lala uqun, (6)euda hakaw utux babaw mhuqil. musa mdkrang(brah 100 sngari hngkawas miyah ka Nihung do wada laxan ka gaya nii).

Gaya mdkrang 出草的規則 smmalu patas

Taxa bi hiyi duma(saw skSita Duku), mthbaraw musa ka kana, mdudul o mrhug alang aji o mduuy qsiya alang hiya psramal.(mdakar mseusa,marah tahut, tmikan ni hmlama dsun) musa bbuyu mspi ni psisil mn3, malu o musa, naqih o embrinah, muda mkrabi elug siida o “prgnabaw,” mgrbu kjiyax pdaling alang peysan do hciyun biyi ka 1 risaw ni smkagul empskeuruy,nii o asi ka mnangal tunux pais,(mlukus“srbuxan)” bsqaran puniq,buun buji aji uri o smbrangan ka pais, snagan ayug ka luqi ni psaun “tneetu ”ka tunux ni speapa risaw,“mkeelug muyas mkleeug hmdhik”ni msqar puniq quri alang (pxal o 1 tunux,mn3 o 3 tunux pais nangal, ini dhuq alang ka dhiya na o saan pstrung plukus“srbuxan”kulaw elug ka mnangal tunux, pdalih alang do mneelug mqaras muyas mkleelug ka mnusa mdkrang. Dhuq alang do skuwak babaw mnarux seejiq ka pucing mnangtal tunux pais do malu ka mnarux da. Dsun sapah mnangal ka tunux pais ni qdalan egaw ni siyang ni hlnma ni srgrig mqaras 1 rabi, saw saman do dsun sapah dmnudul,kiya o sapah mrhug alang aji o mduuy qsiya. Saw saman duri o pdaun peekan siyang ni kpuan dha mimah sinew, babaw na do saun pgska pttama paga kana quluh tunux smudal ni psrgan sirug tneetu gamil kdang, phiyug brqiya snalu browling ka alang nii ni smapuh smagi utux pais ka mdudul.

Kari musa mdkrang mangal kkeudus muda hakaw utux 出草是走過彩虹橋的復活觀 smmalu patas

Snhiyun bi rudan Truku sbiyaw ka musa mdkrang ga pusu na bi o muda hakaw utux mangal duri kneudus saw nii ka kari ruda Truku Yudaw Pisaw(91), (1)msnqbubur empkeudus kika musa mdkrang. (2) Msnhiyi (kari rudan)yaasa mha meudus duri ka qbubur kika musa mangal tunux pais. (3).Snaw: Muda Hakaw Utux siida, utux nengalan tunux pais ka weela hyaan muda Hakaw Utux mtaril dhuq tuxan. (4).Msnhiyi ka musa mdkrang. (5). Kuyuh: Muda pusu Hakaw Utux ptrima baga siida, sriyu paah hiqur ka dara, kika tduwa muda Hakaw Utux.( 6). Asi ka mkla bi tminun bitaq kla miri.

pnyahan kari smmalu patas

資料來源: 口述者Yudaw pisaw(91)AlangBngrux,

YudawDangaw(83)Alang Snglingan,

Yuki Lowsing(81)Alang Snglingan.

族語整理者:Iyuq Ciyang(73)Alang Tbula秀林鄉公所調解室2005.1.20.