Scucun(失智症)

Kesun mnarux luqi tunux ka rudan ( ctaicun）, peeyah pusu urac mnnarux kana hei, scqiyun riyung mekan iyu peni, ddilan knteetu kndudul seelih knkela na mnarux. Mnarux knii de moda naq ini ba kklai lmngelung, ini ba pgkela mesa ye malu ma naqah, ini pooda tunux kana, kii ka nniqan, kana slngelung knriyung naqah ini kela phuwa di.

Rudan wada hmrinas mmteru

Kmxalan rima knkawas de daan sccun. Ani si niqan duma mterun knkawas betaq mriman knkawas ga na mnarux dena sccun, kii kesun “ sccun rsriso ”.

Knrudan na de, knriyung cmhungi hari tunux ini pnidi tunux ka ndaan. So ka musa nganguc klaali chungi madis ka ddesun, chungi meluk gasu, ini klai ka ngayan na dangi peni.

Kii slngelung peeyah na yaku ye ku nii mnarux Sccun di.

Ado, ini naq pntena ka knrudan daka Scucun, anu wada chungiyun Ka ndaan di ma,ini btbale ka lnlungan, ini slngelung mesa ye mhuwa mesa,ini pttuku kana rmengo kari.

Pqita maxal knnarux Scucun.

Toma ga spatsi we sriyung mita knnarux sccun, anu ye niqan ka rudan sapah knnarux de, asi nhari pqita ising,hai pkensa ising.

Tg1. Ini klai ka ndaan naq ma chungi psgila kndesan.

Tg2. Uka kela snetun ooda knklaan.

Tg3. Ini na dheki qpahun ma ddaun na.

Tg4. Mdrudu qntaan na jikang ma nniqan na.

Tg5 Rriqu mrengo kari ma matis.

Tg6 Rriqu knkela utux saso daka ga nniqan daha.

Tg7 Qnquwo pnsaan ma ini slngelung skadi di.

Tg8 Ini na klai malu ma naqah.

Tg9 Uka lnlungan meepah ma ini theyaq seediq.

Tg1o Ini pntena sicu lnlungan na heya.

Pnyahan pnatas (參考資料)

https://helloyishi.com.tw/neurological-problems/dementia-and-alzheimers-disease/types-and-stages-of-dementia/
Tseeru na mptgesa Uma Nawi (許貴蘭) ka pnatis nii.