Tlahi
Tlahi(柚子)
smmalu patas
Tlahi nii, ini ba kpparu riyung ka qhuni na. phepah na de mgbhege malu bale qtaan. Paru mntena boru hari ka knpruwan na ka hei qhuni na, skkingal qapan ka truma na mntena mudu.
Cbeyo de ini hari phuma qhuni puqun hei ka seediq, anu bqerus daha de nii psaan daha so meepah ppqun bale ka beyax daha. Yaani so kiya ka ini slngelung mesa phuma ngalan hei qhuni ka seediq ciida. Tnugo so lmamu naq mneheru naq lmiqu hiya ka ngalang daha. Duma seediq de tikuh male ka pnuhuma daha so blebun, mudu ma tlaxi bale ka qtaun phuma kingal daha ka seediq alang.
Cbeyo se ini telung tlahi ka seediq maha lmiqu si, anu paru sknexun ka tlahi nii, ani bsiyaq nana seedan nana baga mesa, ki ini daha kuxi tmelung. Anu ado so mosa lmiqu dise smkenux ka boyak de, asi daha klai denu mesa, kiya ka ini eyah siyo tlenga denu, qdriq icin denu mesa, maha ini angan ka seediq mosa lmiqu denu, ki bala bala ini telun tlahi ka seediq mosa dgiyaq.