Tmkuyka rudan Truku sbiyaw

tmkuyka rudan Truku sbiyaw 以前太魯閣族的播種

Sbiyaw balay ka rudan Truku ga, mkla bi mseupu hmnru bbuyu mneudus bbuyu. Quri qngqaya djiyun qmpah o smmalu nanak ni mttuku balay djiyun kndsan dha nanak uri. Mtbiyax balay qmpah ka rudan Truku sbiyaw, mgrbu balay do mtbiyax musa qmpah ni mskeeman balay paah qmpahan miyah sapah.Mnhdu mtbiyax do musa maduk bbuyu ka snsnaw, kykuyuh o psramal msinaw masu ni hlama masu.

qngqaya qmpah 農具與播種

Quri ka qngqaya djiyun dha o sowki, parih, suqu, btug. Phmaun dha o sari, masu, pgu, basaw, sqmu, brisan, beyluh, bunga. Emptukuy ni emphuma ana manu pnegalang brah na o asi ka plealay musa smapuh utux tmninun (utux bari) han, kiya ka mha suyang bi hru na ni malu bi gnhiyi na msa ka kari rudan sbiyaw.Gaya smapuh o saw nii.

tmukuy ni msgasut播種與祭司

Msgasut alang ga, mk4 jiyax ka pnsrmalan ni spida hraan idas ska rabi ka smapuh bbuyu hiya. Paah sapah mowsa smapuh ka Msgasut o asi ka madas kingal laqi snaw emptghuy hyaan musa, Msgasut o rngagan na ka laqi snaw kndadax mowsa siida,“Mowsa ta smapuh utux ka sayang da, iya bi squwaq ni gmlux balay”. Babaw na nii do phngun na ka tahut ngalun na ka qbulit ni qhuni, sqada na ngangut ni brahan na mtahu. (Pusu na ka nii ga tealax smudal lnglungan ni psbgurah euda), iyax jiyax musa smapuh o ini phngi ka tahut nii. Babaw na nii ptungan na ka harung gaga jiyun laqi snaw ni hmiru harung musa spuhan, smapuh siida o dmuuy harung mhiyug kiyig ka laqi snaw nii.. Madas kana ana manu ghak pnegalang, ni kana ana manu nengalan uqun, kiya o masu, sari, sqmu, beyluh, bunga, pgu, basaw…….

Mnhdu smapuh pnaah spuhan dhuq alang do miyah hyaan kana ka tnealang peangal ghak nadas snpuhan, yaasa klaun dha snpuhan ka ghak o suyang bi ni mrana bi gnhiyi niya. musa tmukuy o asi ka plealay musa tmukuy ka msgasut, kiya ka suyang bi hru na ni mrana bi gnhiyi na.

pnyahan kari

口述耆老Iyuq Ciyang,Iyang Taying 2014

秀林鄉志2006