Uruy桑寄生

Uruy(桑寄生)

Uruy ge, tndheran meeniq dheran meebun truma. Qhuni lleebu msderux, egu hnreyan ccida, lqeling ma puto ka cida na peni. Mbhege madis mgqalux tikuh ka qhuni na rabu. Bukuy na waso ge, so ba snugrangan madis tikuh mbqbulic rako peni. Saadux mgbalung, ma ini kdayang qtaan, mntena so ka pncyukan balung mtumun ka hnyegan na, ma so qumi mcciyuk, ma niqal so mgdoriq eyux qnddoriq qtaan ka hnyegan na duri.

　　Misan ka mphepah, tqgilaq mbhege betaq mgceyas, tnpupu ka kndkilan na. Dehuk mkkawas da mgbalung ttaan ka hei na kiya. Mhada ba de mgmudu soba kmraki qtaan ka knttanah na denu kii di. 　　Mpmepang madis tikuh ssibus puqun ka hei na nii. Kuxul ba pskanun lqlaqi, so ka eekan hlama pskanun peni. Pseengal lqlaqi spggeluq kkui, kana so ka mpskiya, ma ga mkkesa, mkkaro duri, ngngalan lqlaqi. Msdurik nanaq ka dheya duri mppqapah tunux ma snuunux, hei daha ma lklukus daha duri. Kiya ka wada pnqapah di ge, irih so wada ini baka da! Kela naq so nii pslhayan psriko hei tthiqan na ka lqlaqi peni.)