Utux bhege 白鬼

Tseeru na mptgesa Pidu Nokan (田明德)ka pnatis nii.Muuyas ku sepec knkawa sapah paysan,meniq alang Tongan ka sapah mu. Nniqan supi hiya cbeyo.Meyah nami qmita kmeeki sapah thmkuwan, mkkesa ku yaku, taapa rulu tmediq ka qbsuran me rseno, ini ku na ptpai rulu na tmediq.

Mhedu qmita kmeeki, wada naq taapa rulu tmediq ka heya, Hdiyun ku na hiya, kteetu ku naq musa.

Dehuk ku kesun Kura hiya,qmita ku kingal seediq bhege rako ba paru, paru ba riyung.

Mheyu ceka eluw, ma mbhege bbaro hnyegan na.

Mttuy kana ka snuunux mu, miicu ku tikuh. Mqarux ka utux mesa seediq, malux mbhege ma bbaro?

Rmengo ka rudan , netun su qmita puniq utux,dmahul asi ka matis Jujika; Qmita heya matis ku Jujika,paru ka hnyegun na paru ka qapang na.

Matis ku Jujika ciida, qmaka paru ka papak bhege, kndudun mpahun ma uka qtaan di.

Lmngelung ku,ye kiya kesun utux na seediq.