Uyas ni rgrig rudan Truku sbiyaw

uyas ni rgrig rudan Truku sbiyaw 傳統歌舞

uyas rudan sbiyaw 傳統歌謠

smeuyas ka rudan Truku biyaw balay ga saw rmagun nmahan dha sinaw do kika ga pshnang quwaq dha uyas Truku. Bhangan ka hnang na o 4 hnang ka pshnagan dha, kiya o Re、Mi、Sol、La, hnang na o ini hrinas 8 hnang ini pgriq pshnang uri ni ungat ka hnang smka, elug llubug o saw kari ka hnang na, murug saw kari ka llubug na uri, kari uyas o rahuq na pgkla pusu nkari uyas nii ni lnglungan empuyas o asi bi angal lnglungan kariuyas nii ka meuyas uri.

Uyas Truku sbiyaw ida niqan uyas rudan sbiyaw,uyas snalu na nanak ni bnrahan na smmalu uyas sbiyaw o niqan ini pndka ka uyas Truku sbiyaw.

Uyas ruda sbiyaw o niqan rgrig uyas mqaras msangay ni uyas rgrig smiyan.

rgrig rudan sbiyaw 傳統舞蹈

Rgrig Truku rudan sbiyaw o niqan ini bi pndka quri rgrig kuyuh ni snaw. Pala kuyuh ka musa rmgrig o mubung bitaq tuma bqlit, msleexan bi qayqay dha nimngsesu bi ka rgrig dha, ana yaa djilun dha ka qaqay o ini kparu ka qaqa dha ni ida ka pungu bqlit dha. Rgrig snaw o mrmun , mqhnga, msbbowlung ni niqanbibiyax. Mtduwa emburux nanak rmgrig,aji uri o mseupu hbaraw seejiq meuyas ni rmgrig, aji uri o mtqiri na kska na hiya, ki nak lubug dha lubug qawqaw ni rmgrig, mjiras mlawani meuyas saw bi gaga mqaras rmgrig ka dhiya nii, kiya ka kiya ni ini bi pdduuy baga ka kuyuh ni snaw, ini bi pqqawit qaqay ka rmgrig, yaasa nii o psaniq sun.

pnyahan kari

資料來源:口述者耆老 Iyuq Ciyang Iyang Taying 2016.