Wahil bale/ wahal boyak/ wahur bowyak山葛
Wahar bowyaq(山葛) smmalu patas
Mtqiri mi mspriq na wahal ka wahal boyak nii, mttru hmru wasaw niya, phpah na u so bay hnyuwan tlaway, pbxkuwan na phpah pcriyu msdrux hnyuwan mblawa mbanah, mdakil mniq ckcka mi llbu truma ssiyaw bbuyu, ssiyaw elu , ini qpahi dxral mi qnpahan dxral.
Qmuru mhnuk mi rhiq aki qmuru wahal boyak nii u mkray bay, dsediq cbiyaw u ngalan dha sluwan wasil bkiyan uruc sapah, qqiya diyan, tmninun dha beyhing bay kadi qcurux, qqiya maduk; kiya ka dsediq ta ngalan na pneyyah wahal qmuru qluli ka biyuq, uxay uri u mangal rabu wasaw na psaan mluqih nganguc. Ini sdara da, mi spoda na mthuway knmalu ka narux da; niqan uri u dsediq cbiyaw tmabu ta sbirac mi qolic dnii, pusu na bay uqun ka wasaw wahal boyak.