Wicang
Gicang/ Wicang/ Gisang(鵲豆)
smmalu patas
Smkuxul muhur mi mtilux ka Wicang, mkkarang mi mkray ka cida na, nou mhru ka mniq alang mtilux, nkingal bey mhru ka alang muhur,kuxul phmaan mi uqun sediq, niqan phpah mplawa mi mbhuway ka hiyi na, mhru bay mi ou bey hnruwan na, tduwan ini pknarux sediq mi tdwaan na phmuk ka naqih narux sediq, awu bayn arux embuyas, mhuwau, mskuy…dnii sediq.
Rudan ka wicang nii o, kkrinah mbiyax ka doku na, iyux ini pcahu hiyi dha, asi ka briqan kmtuy mi smnaw ka hiyi na, pchaan bey hmapuy uri, ini tduwa bsiyaq bey smku ka wicang nii, babaw kntiyan da u, malu bey asi nhari hmanguc mi mkan.
Hpuyan Sediq kddiyax ka wicang, mrabu rhiq mi sukay na uqun dha, mmusa lmiqu cida ka Sediq, pstmaqun dha hari hmapuy ka Wicang mi dhquy macu mi bunga, babaw hnlqan rhiq dha duma, kiya pdaan dha dhung spuwan dha tmikan, kiya pdaan dha pawa smalu emu da, susa dha mkan musa lmiqu, ana ktru djiyax ini qnaqih ka emu nii,kiya hdyawun dha musa lmiqu Sediq cbiyaw.